2024/12/06

滿足的一餐西班牙菜之夜@Sabrosa

友人係YT睇完介紹西班牙美食嘅影片，就”喚起”佢想食西班牙菜嘅慾望，今晚就同佢黎呢間。門外放咗棵發光嘅聖誕樹，靚靚呀。店內環境燈光昏暗，枱上有盞金色燈，配合埋聖誕裝飾，幾有氣氛同唔會嘈吵。睇緊餐牌之際，侍應送上呢客餐前餐飽，配以黑醋橄欖油，一路食一路睇吓叫咩食，唔錯。指定動作，先食沙律開下胃口。睇餐牌時就咁睇水牛芝士配蕃茄已知無得輸。呢客新鮮水牛布拉塔芝士配番茄和芝麻菜沙拉 ($148)當然成為”是日沙律”。輕輕切開軟綿綿嘅水牛之士，過程相當治癒。呢個”紅白”配再加上配上黑醋嘅芝麻菜，濕潤口感中帶點清新感覺。黎到西班牙餐廳，點會少得叫Tapas，有8款選擇，當中最歡喜係呢客炸西班牙青椒仔 ($98) 油炸完嘅青椒仔略帶一點油潤，偶爾食到其中會有辣味，但辣度絶對可以接受。一條一隻相當過癮。今晚主菜選擇焗西班牙走地黃油春鷄 ($208)，配以薯角及炸蘿蔔條，仲有兩款特色醬汁伴食。話明係春鷄，心目中已知大約有幾大隻。燒得金黃色相當吸引，內裏有蒜頭增加香味。鷄皮下無多餘脂肪，食得相當放心; 肉質相當嫩滑，就咁單食都好好味。燒鷄中已有薯角，好彩點選炸甜蕃薯條 ($78)，成藍上炸得甜美可口，忍唔住會一條接一條咁食架。壓軸出場有西班牙蒜香烏魚子意粉 ($238)，白鯷魚柳放於意粉上，亦有黑橄欖及車厘茄作配菜。白鯷魚柳又唔會過咸喎，仲帶點酸味，用黎夾住以橄欖油炒香嘅意粉一齊食岩晒數; 略嫌蒜香味較淡，有濃香蒜味就仲正。呢度仲有甜品供應，腦海想食，但肚皮很誠實，唯有下次先。 #出發打卡 #ULifestyle應用程式 #ULifestyleApp 社群 #ULifestyle社群密密送 #送禮 #Giveaway #ULifestyle #UCreatorHK #MOMENTSwithUCreator #社群狂歡大激賞 #主題樂園門票 #香港迪士尼樂園 #HKDisneyland #ADisneyChristmas #遊樂推介 #親子活動 #聖誕2024 #香港好去處 #奇妙聖誕 #聖誕好去處 #賞楓暢飲 #送禮 #香港迪士尼樂園 #Giveaway #親子活動 #香港好去處 #聖誕好去處 #ADisneyChristmas #HKDisneyland #ULifestyle應用程式 #ULifestyleApp #ULifestyle #ULifestyle社群密密送 #MOMENTSwithUCreator #UCreatorHK #主題樂園門票 #社群狂歡大激賞 #遊樂推介 #出發打卡 #聖誕2024 #奇妙聖誕 #賞楓暢飲 (此文章由U Blog 同步發佈至社群)...更多