2024/09/27

尖沙咀｜放鬆Chill嘆🍹高質西餐

呢兩個星期忙住去揀小學､聽升學講座,終於.....😌遞左表,算係可以放低一小舊心頭石 (希望可以一抽入魂🤣)所以係時候要搵間CAFE去CHILL吓,放鬆吓!今日就黎到尖沙咀發現呢間高質CAFE,環境闊落又舒適!枱與枱之間有足夠既空間,傾計都唔怕騷擾到隔離!仲可以慢慢打卡📸而且店員好細心一坐低就送上一碗小食---爆谷😂V小妹即刻忍唔住搶黎食! - 𝗪𝗛𝗔𝗧 𝗪𝗘 𝗢𝗥𝗗𝗘𝗥 - (2大1小) 🅳🅸🅽🅽🅴🆁 🆂🅴🆃 🅵🅾🆁 🆃🆆🅾 𝓢𝓸𝓾𝓹 •南瓜湯配蒜蓉包• 碗南瓜湯好真材實料,真係好似用南瓜Blend成,仲咬到有幾口粒粒南瓜碎,再配埋極香脆嘅蒜香法包即刻勁開胃 𝓢𝓽𝓪𝓻𝓽𝓮𝓻 •蜜糖雞翼• 本身頭盤最想試既係白酒忌廉藍青口,但可惜唔太岩V小妹食,所以叫左蜜糖雞翼｡但意外地有驚喜,就係隻雞翼非常脆之餘仲有清香嘅蜜糖味,V小妹都俾曬大拇指 𝓟𝓪𝓼𝓽𝓪 •蟹肉露筍鮮蝦松露忌廉意大利粉• 一上枱已經有香濃嘅松露味,食落好Creamy,而且好多汁絕對唔會乾噌噌!而且d蝦仲好爽口彈牙 𝓜𝓪𝓲𝓷 𝓒𝓸𝓾𝓻𝓼𝓮 •露絲瑪莉燒羊扒• 值得一讚嘅係...我哋叫左七成熟,佢做到外脆內軟,又唔會過份生,同埋一d羊羶味都唔覺有,反而食到有淡淡嘅rosemary香草味,再加埋個醬汁😋味道更加無可挑剔,而且佢嘅配菜都相當出色 𝓓𝓮𝓼𝓼𝓮𝓻𝓽 •紅豆抹荼牛角窩夫• (+$38升級) 大大球抹荼雪糕配上鬆脆可口嘅窩夫同紅豆,最好嘅食法就係一啖享受曬三個口感同溫度,完全無違和感! 𝓓𝓻𝓲𝓷𝓴𝓼 •雜果賓治 & 熱情果白桃梳打• 雜果賓治清爽怡人,最啱V小妹飲!而我就叫左熱情果白桃梳打,熱情果加上蝶豆花,成杯變左做漸變紫色,打卡一流!雖然飲落唔太覺有白桃味,但就有陣清新嘅熱情果味,完全唔甜,啱我口味! 📍喺度做乜 (Whatsup Cafe) 地址:尖沙咀山林道3號地舖 Address:G/F, 3 Hillwood Road, Tsim Sha Tsui #mamim #v小妹 #hongkong #hk #香港 #香港好去處 #香港特色 #成長日記 #親子 #親子日常 #成長記録 #育児 #4歳 #香港尖沙咀 #尖沙咀 #香港美食 #香港遊 ...更多