2025/02/20

驚喜滿分的意日菜

呢間餐廳同時可以品嘗到西班牙及日本料理，而佢哋主打嘅Tapas，朋友食過都係非常大推，講到咁正…當然要去試下喇😋。餐廳環境舒適，木系清雅嘅裝修並帶點文青風格🌿。二人晚市套餐$698 🥢Tapas(9選3) • 西京豚肉眼肉質軟腍甜香，連脂肪位都好甘香，跟咗個生蛋醬油及芒果醬汁，我就鍾意蘸生蛋，增添滑溜口感及令到豬肉味更為突出，而朋友就鍾意蘸芒果醬，清新之餘又可減低油膩感，而配菜羽衣甘藍以炒嘅方式呈現，比生食更濃郁更好味👍。 • 香煎慢煮八爪魚 + $38 八爪魚鮮度十足，質地軟腍得嚟又富口感，本身八爪魚嘅味道已經恰到好處，但配埋墨魚汁及蟹糕蛋黃醬就更加正😋，墨魚汁鮮甜，蟹糕蛋黃醬濃郁惹味，配搭完美，而且餸酒一流👍。 • 西班牙白毛豬火腿虎蝦卷香脆嘅白毛豬火腿卷住爽彈嘅虎蝦，同時配合牛油果洋蔥沙律，火腿與虎蝦味道鹹香鮮甜，牛油果沙律滑溜清新，口感有層次之餘，而味蕾亦得到平衡😋。 🥩Main(3選1) • 招牌西班牙烤豬加 + $58 烤到熱辣辣，豬皮脆卜卜，肉質嫩腍多汁，肉味濃郁，因為乳豬嘅關係脂肪位唔多，啱哂怕肥嘅人士，但係脂肪位其實都好甘香，店主細心配上烤菠蘿，可減低油膩感👍。 🍰Sweets(2選1) •煙韌之選：西班牙甜油條拼日式蕨餅甜油條外脆內軟糯，口感唔錯，仲可以蘸點朱古力醬增加風味，蕨餅Q彈香甜。酒精飲品買一送一，當然要叫杯嚟嘆下喇😆。 🍹Still Sangria Red 紅水果酒 $98 口感清爽柔和，有生果嘅清甜，同時又帶點紅酒味道，入落好舒服😙。 🍾Cava Sangria 氣泡水果酒 $128 同樣係口感清爽柔和及有生果嘅甜香，多咗氣泡嘅緣故，飲落更過癮😆。朋友果然無介紹錯，Tapas真係超正，食得出係用心製作💕，食材配搭以及味道我哋都覺得好好，而且份量好足，可媲美主菜，而主菜嘅烤豬亦超正，酒精飲品仲要買一送一添，真係要相約朋友再嚟食過😋。 📍Still 馬頭圍道63號啟岸1樓06號舖 #tapas #日本菜 #西班牙菜 #紅磡美食 (此文章由U Blog 同步發佈至社群)...更多