CIAO! 👋🏻 1️⃣4️⃣日西班牙之旅正式結束 ---《下一站...Spain🇪🇸》· Day 13 & 14

最後一天上課日，其實沒有上課，而是進行了一個field trip 。朝早課堂時段，老師帶咗我哋去當地嘅local market 參觀，其實market 類似香港嘅街市，有唔同新鮮魚類肉類賣、有芝士&手作野賣，仲有一個細細地嘅food court 。 完成 local market field trip 之後，行咗大約十五分鐘返去Campus ，放咗半小時小休，就繼續上下半節嘅課堂，其實都係派返尋日份考試卷，老師再作講解，最後就同我哋講各人成個課程嘅總成績（我竟然拎到8/10 分😂）。 14:00 所以課堂完結，大學為一班都係30/6完成課程嘅同學舉辦咗一場所謂「畢業禮」，其實都係課程主席致詞，然後比時間我哋填返張問卷&派張合格證書比我哋。 兩個星期課程，成功取得西班牙文 A1 level 🤌🏻 畢業典禮完成，亦都意味住真係要同呢個課程遇到嘅朋友道別了。其實當其中一個美國朋友同我講” it is really the last time we seeing you “ 之後一野攬過嚟個下真心想喊（我當然忍住咗～～道別當然要笑住走），都係嗰句真係好感恩識到佢哋。 講完再見，影完相，就真係要開始執行李，寄埋啲post card ，同埋去print 拎取登機證證明（因為我唔係拎EU passport) 當日夜晚再同咗兩個日本朋友食飯道別。 因為回程班機係朝早7:15 ，我要早兩小時去到機場，所以基本上食完晚餐之後，小睡咗三個鐘，凌晨4:00就要搭的士出發機場。咁啱有個喺課程識嘅英國朋友係同一班機，所以就book咗架的士一齊去機場。到達機場之後，我首先要去check in 櫃檯拎登機證，然後再拎去客戶服務站等職員幫我張登記證蓋印（都係個句，因為我唔係拎EU passport，所以有多啲程序要做） 過完安檢之後，本身諗住去買啲嘢食，但係因為太早，所有全部餐廳都未開，等咗差唔多一個鐘頭，都只係得一間餐廳開咗，不過都好過冇。 正式上機回程🛫 ～～ 8:00 英國時間順利到達London Stansted Airport 。 1/7/2023 🇪🇸十四日西班牙之旅 正式結束✍️。 Instagram: _ooahlongtea YouTube: ahlong’s vlog #旅行 #西班牙 #旅遊 #歐洲 #行程 #獨遊 #vlog #blog (此文章由U Blog 同步發佈至社群)