把水族館的水母變成風鈴💫京都水母風鈴展🎐～30/9

本人為了加入社群創作有價企劃行列,決定運用自身的日文一級能力,致力為大家上網搜羅與日本景點有關的優惠情報,再在U Lifestyle 作出分享｡務求讓大家慳得一蚊得一蚊,做旅遊精明消費達人! ———————— 唔知大家仲記唔記得我介紹過一篇關於京都水族館既文章, 如果唔記得/冇睇過可以去睇番👉🏻 #夜之水族館 因為如果你想去睇呢個水母風鈴展既話, 不妨喺夜之水族館舉行期間去埋 ｡ 首先日本講起夏天會諗起風鈴, 可以話係夏之風物詩 ｡ 所以你見到最近都有好幾個地方搞緊風鈴展, 其他地方我見冇乜野我就冇拎黎介紹俾大家睇｡ 反而呢個我想講一講, 因為佢係水族館既水母飼養員去監修, 聯乘左專業既玻璃工匠, 去手作出全場24種共170多隻水母風鈴去展出 ｡ 細心發現, 你會發現喺佢既風鈴紙條上, 會寫上與該水母特徵有關既短詩 ｡ 因為手作風鈴既關係, 你會發現每隻都有啲唔同 ｡ 除左風鈴外, 同場仲會展出20把｢水母京和傘｣｡ 佢地全都由一間在江戶時代後期已經創業既京和傘店舖所製成, 該店舖叫｢日吉舖｣｡ 他們把18種水母既特徵分別融入京和傘當中 ｡ 而點解我之前會提起 #夜之水族館果個活動呢? 因為喺夜之水族館活動其間, 下午5點後, 水母風鈴同京和傘都會有個Light up活動 ｡ 試幻想, 晚風吹拂着風鈴, 柔和的燈光穿透風鈴, 照向京和傘､ 彷彿晚上又變成另一個國度一樣 ｡ 所以如果想去的話, 喺夜之水族館(27/7-25/8)期間, 就可以一次過有多啲體驗啦 ｡ 最後, 如果你都同我一樣覺得水母風鈴好得意既話, 你係可以喺1/7-30/9期間去1樓的Museum Shop買一隻返屋企 ｡ 係只會喺京都水族館期間限定發售的水母風鈴 , 每人只可買1隻,售完即止 ｡ 由於係手作品, 請記住挑選既時候除左睇外形之外, 佢連音色都會略有不同架 ｡ 共有4隻色可供選購,透明､藍色､粉紅色和綠色 ｡ 他們與會場的展品係唔一樣的 ｡ 去開日本玩既可以睇埋我另外一啲post, 全部都幾有趣既分享黎架! 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網(https://www.kyoto-aquarium.com/news/details/6002.html)｡ ———————— 如果大家見到有咩優惠/活動,但因為日文而唔識睇,可以話我知,我可以繼續出POST 話俾大家知｡ 想知更多優惠/活動資訊,就FOLLOW 我俾D動力我啦! THANKS. #日本好去處#日本之旅#日本#日本食玩瞓#求好旅友#日本旅行#日本自由行#日本旅遊#日本攻略#日本旅遊攻略2024#日本好玩景點#日本展覽 #日本event#event #大阪#大阪美食 #大阪自由行#大阪必食 #打卡 #打卡好去處#打卡必去#打卡able#京都#京都水族館#水母#風鈴#京和傘