正宗傳統葡國菜餐廳🇵🇹晚市任食葡萄牙甜品蛋糕

[ Casa Lisboa Gastronomia Portuguesa ] 其實係香港都食到正宗傳統葡萄牙🇵🇹菜式,唔使專登去澳門! 中環呢間葡國菜餐廳,由即日起至2024年7月18日,逢星期一至星期四 (公眾假期除外)晚上6點起推出限定菜單,每位$388就食到6道正宗葡萄牙傳統菜式,更可以無限追加甜品! ✿｢Taste of Portugal｣晚市菜單 $388/位 (最少兩位用) 有前菜､4款小食､主菜以及無限追加甜品𝐵𝑜𝑙𝑜 𝑑𝑒 𝐵𝑜𝑙𝑎𝑐ℎ𝑎餅乾蛋糕😍! 飲品🍷 食葡國菜點少得飲返杯經典葡萄牙🇵🇹果酒Sangria(+$58/杯)｡紅酒加水果､糖漿及少量白蘭地,非常易入口,對於消化都好有幫助｡ 前菜🍞 自家製肉醬､醃製橄欖及橄欖油 配鄉村麵包 4款小食 (1)紅菜頭沙津配羊奶芝士🥗🧀 葡萄牙南部傳統菜式,紅菜頭及紅蘿蔔粒混合牛油果醬及羊奶芝士,面層放上薄荷葉,清新開胃又健康｡ (2)炸馬介休球🐟🥔 馬介休即係鹽漬鱈魚,係葡國菜代表｡馬介休混合薯仔形成馬介休球,外層炸至金黃薄脆,內裡味道鹹香,有一絲絲魚肉質感｡沾上蒜蓉蛋黃醬更加香口惹味｡ (3)傳統葡萄牙白酒蒜蜆 用橄欖油炒香大蒜再加入大蜆､牛油､白酒等,蜆肉肥美厚肉,鮮甜多汁帶點酒香｡ (4)香烤伊比利亞黑毛豬豬肋眼🐖🥓 一片片嘅黑毛豬豬肋眼烤得外焦內嫩,加上烤椒蛋黃醬等,惹味帶點微辣｡ 主食(每人選一款) (1)招牌焗鴨飯🦆🍚 焗飯表層放有葡萄牙臘腸及慢烤五花腩,米飯焗到金黃微脆有飯焦😋｡下層除咗有米飯仲有大量鴨肉絲,每口飯都盡吸鴨肉肉汁精華,好特別嘅焗飯｡ (2)葡式烤乳豬🔥🐷 呢道烤乳豬做得好出色,乳豬外皮烤得超脆口,肉嫩多肉汁🤤｡上桌時乳豬已切成件狀,方便進食👍｡ 甜品🍰 無限追加傳統葡萄牙餅乾朱古力蛋糕 (Bolo de Bolacha)!材料有可可粉､咖啡､牛奶､餅乾､奶油等,質感綿滑,每啖都散發陣陣咖啡香氣,味道唔算好甜,食多幾件都唔怕🤣｡ 總結🫦 晚市菜單價錢親民,一個價錢食哂前菜､小食､主菜以及無限追加甜品｡ 餐廳環境以藍白色為主調,用餐環境舒適,適合聚會或者慶祝節日｡當晚有客人慶祝生日,店員為客人唱生日歌好有氣氛🥰｡ ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Casa Lisboa Gastronomia Portuguesa 地址:中環雲咸街63號巴力大廈2樓 電話:2905 1168 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ #慶生餐廳#CasaLisboa#葡國菜#雲咸街#大館美食#折扣優惠#著數#限時優惠#優惠#中環餐廳#中環美食#中環好去處 #hkfoodies#hkfoodporn#hkfoodieslife #ufoodphoto