香港越嚟越多石燒牛扒店。
吸引之處在於自己可控制牛扒的生熟程度，店內廚師輕輕燒熟牛扒的表面，放到燒燙的石板上，再上枱，客人按自己喜好，利用石板去燒熟自己的牛扒。
這間舖的牛肩扒很不錯，極厚身，但肉質軟腍，就算自己輕微燒得過熟，也不至於太韌，咬唔到。
石燒店另一賣點，無論選哪一款牛扒都可以享用店內自助區，珍珠米白飯、牛湯、沙律，全部自助式無限添加，啱晒大胃王。
用餐當晚提供的牛腩湯非常足料，輕易撈到大大舊牛腩，而且湯的蕃茄味亦很濃。
唔洗$100已可享有半自助餐的任食，牛扒質素亦可接受，值得一試。
