2024/11/15

大眾化之選@意粉狂熱

係地下底層買完運動用品，拎住一大袋唔想再走黎走去，好彩樓上都有餐廳。行下行下就見到呢一間。唔單止提供意粉，仲有其他沙律，小食，薄餅及肉類選擇，價錢仲幾大眾化。自從係首爾試過芝士薄餅淋上蜜糖一齊食，覺得幾過癮。發現呢度都有黃金四重芝士披薩 (配蜜糖) ($58/細)，當然想回味一番。細份二人份量岩岩好，蜜糖甜味與芝士嘅咸香結合，變成咸咸甜甜味道，芝士與蜜糖係做到好朋友嘅。呢度除咗有薄餅外，仲有多款意粉類選擇。友人歡喜無咁多醬汁，點咗呢客蒜香白酒汁海蜆意粉 ($78)。每隻蜆都有肉，蜆味比蒜香味更突出，意粉帶有口感。另加$38可以升級有餐湯及飲品($28以下)。三款餐湯中有喜愛嘅忌廉磨菇湯，飲到有磨菇碎粒，增加口感及菇味。加多杯熱奶茶。飲完餐湯，呢客香草烤鷄雜菌蕃茄意粉 ($78)，呢度係另加($10)升級意粉至1.5倍。鷄肉及雜菌都唔少，意粉沾上咗蕃茄醬汁，幾令人開胃口。少不了要叫埋甜品，呢客香濃朱古力窩夫 ($78)，配以雪糕及鮮忌廉，仲有2件精緻版提拉蘇。朱古力味香濃，甜度岩岩好，無梳打粉味，外脆內鬆軟，即叫即製。與雪糕一齊食，呢個啡白配正呀。 #出發打卡 #ULifestyle應用程式 #ULifestyleApp 社群 #ULifestyle社群密密送 #送禮 #Giveaway #ULifestyle #UCreatorHK #MOMENTSwithUCreator #社群狂歡大激賞 #主題樂園門票 #香港迪士尼樂園 #HKDisneyland #ADisneyChristmas #遊樂推介 #親子活動 #聖誕2024 #香港好去處 #奇妙聖誕 #聖誕好去處 #賞楓暢飲 #ublog #pasta #pizza #foodie #送禮 #香港迪士尼樂園 #Giveaway #親子活動 #香港好去處 #pasta #foodie #聖誕好去處 #ADisneyChristmas #ublog #pizza #HKDisneyland #ULifestyle應用程式 #ULifestyleApp #ULifestyle #ULifestyle社群密密送 #MOMENTSwithUCreator #UCreatorHK #主題樂園門票 #社群狂歡大激賞 #遊樂推介 #出發打卡 #聖誕2024 #奇妙聖誕 #賞楓暢飲 (此文章由U Blog 同步發佈至社群)...更多