［牛頭角］性價比高泰皇御廚主理米芝連泰式fusion菜🍔🥩

一間由泰皇御廚坐陣結合左泰式傳統風味同fusion菜式既米芝連泰國餐廳開左係牛頭角寫字樓底層🤗餐廳連續5年榮獲米芝連推介餐廳,味道同質素絕對有保證,餐廳係早午晚時段都可以為附近打工仔提供全新泰菜體驗,朝早可以買外賣番公司食~餐廳面積大約有5500尺運用新型北歐Cafe簡約設計,配以暖大地色令人有種舒服､溫暖既感覺,裝修有啲似美食廣場既感覺☺️最特別係佢用開放式廚房可以見到大廚煮野食,重點係唔會覺得大油煙同埋有油煙味,抽風系統做得好好👍🏻 ————————————————————————————— ♦️牛肉漢堡·紅咖哩蛋黃醬🍔($98):呢款係餐廳既招牌fusion菜將漢堡同泰國菜合二為一,漢堡係由泰國菜餡料製成,食落覺得味道有啲似食緊香菜肉碎,而且完全冇牛臊味好腍身冇筋仲好惹味,漢堡配以大量椰菜絲有助解膩~個包似係平時用黎整蒜蓉包果款包,配埋微辣既紅咖哩蛋黃醬更開胃😋另外新鮮焗薯上面配埋酸酸地既醬汁,食落又幾夾幾好味👍🏻🫣🙈☺️ ♦️沙嗲雞肉串燒🍗($48):串燒可以話係泰國菜必叫,而呢個價錢有4串我覺得都幾抵食,雞肉唔會燒到乾噌噌,仍然可以保持到肉質嫩口juicy,配埋秘製沙嗲醬令到味道更上一層樓🥰 ♦️蟹肉炒飯($118):夠晒鑊氣､夠足料👍🏻飯面放滿左蟹肉,另外加左大量蛋去炒,旁邊有青檸大家可以自行加落炒飯,更能突出到清新口感 ♦️牛肉船麵🍜($88):出面既船麵可能好多都好鹹同埋好濃,但呢碗船麵雖然望落去湯底好深色但食落去一啲都唔鹹唔濃,而且有少少甜味,金邊粉索晒啲湯好好味~牛肉亦有咬口唔韌,配埋通菜同卜卜脆豬皮絕對推薦大家叫🤗 ♦️芒果糯米飯🥭($88):糯米飯一黎到係熱辣辣出晒煙,而且口感唔會腍啤啤黏埋一齊,食落去絕對有口感~芒果都算香甜,不過如果可以再香啲就更好🫣 ♦️ 青瓜蘋果梳打🥒🍎($48):有少少酸味,青瓜好清新解膩,而且飲落去唔係糖漿味,仲會有青瓜粒同蘋果肉可以食到 ♦️ 凍檸茶🍋($30):雖然食泰國野餐廳,但係唔似出面泰式檸檬茶好酸好重香茅味,佢係淡淡地飲到檸檬既清香味但一啲都唔酸~ 評分🖍️(滿分為5個🌕) 抵食指數:🌕🌕🌕🌕🌗 服務質素:🌕🌕🌕🌕🌕 環境:🌕🌕🌕🌕🌕 味道:🌕🌕🌕🌕🌗 📍 Foodhall by Moon Thai (觀塘) 觀塘觀塘道348號宏利廣場1樓101號舖 #泰菜 #泰國美食 #泰國 #UCreatorHK #BESTFOODwithUCreator #香港美食 #九龍美食 #新界美食 #香港隱世美食 #美食推介 #美食推薦 #美食分享 #hkfoodie #hkfoodblogger #hongkongfoodie #hongkongfood #港島美食 #香港地道美食 #牛頭角美食 #thailand #foodhallbymoonthai ...更多

202