沖繩國頭村美食靚景餐廳

#日本景點 #沖繩深度遊の3 #老少咸宜行程 #沖縄東村國頭村一天遊 #2日一夜行程 #國頭村美食靚景餐廳介紹第三站 嚟到東村國頭村一天遊第三站，為咗食lunch我哋快快手行完，大概一個半鐘左右行完杜鵑祭典專登趕過嚟，話說呢間餐廳開11點，但係之前打過嚟，係冇得訂位，食物賣完就冇，老闆話多數1:30前就會陸陸續續賣晒。 所以我哋未夠1:00就到咗啦，嚟到已經排長龍，其實呢度嘅排長龍，即係代表係一張list度寫低咗自己個名排隊，你唔需要入去同職員講人數，你直接喺門口嗰份表度寫名同埋人數就得㗎啦，到你嘅時候職員會叫你。旁邊仲有幾張枱，預咗俾你坐低等叫名🤣🤣 好彩都唔算排咗好耐，同埋旁邊有好大個草地，臨近海邊嘅堤壩，同埋樹上千秋俾小朋友放電同埋影相。玩玩吓好快就到我哋啦。可惜已經有三個餐賣晒，連我想食嘅牛油燒原條魚都冇晒。 唯有改食其他啦，本身嘅餐牌上面寫住三款刺身(3點盛）炸魚套餐，嚟到嘅時候刺身多咗好多，老闆可能今日捉到好多魚，又或者心情好靚，所以比夠五隻款你😍😍而且仲好新鮮，正！ 食飽飽，下一站又去玩啦，當地人介紹嘅神秘景點。想知係邊？記得留意下一篇文章介紹。 Follow同埋like我哋嘅文章，支持吓啦😆 最近多咗好多人嚟沖繩旅行， 🌟如果有需要介紹民宿、租車、沖繩手作坊體驗、家庭照片發，歡迎查詢🔍 記得follow同like我哋個post留意最新 #沖繩親子旅遊資訊行程 歡迎大家加入group (日本沖繩好去處 親子活動行程 開心分享)一齊分享沖繩嘅親子好去處👍🏻