[澳門] 下午茶食咩好🙆‍♀️迷你蛋糕盲盒套裝

今次去澳門🇲🇴仲去咗一間專賣甜點嘅店舖 主打低甜度法式甜品 店舖位於大三巴､關前街附近 佢地出咗｢迷你蛋糕盲盒套裝｣一盒會有齊9款唔同嘅法式迷你甜點🍰佢地每次都會發唔同嘅9款蛋糕比客人 每盒不同 款式隨機抽嘅💗
每一件都係細細件好可愛 一啖一個咁 用嚟做下午茶就岩哂 好精緻 佢地除咗盲盒套裝仲有大蛋糕添 我建議大家第一次可以買咗盲盒先 之後知道自己喜歡咩味道就可以訂大蛋糕🥰👍🏻👍🏻 除此之外用嚟做散水餅做唔錯好得體 又有好多唔同款式唔洗傷腦筋諗簡咩款式😍

🍋 甯檬撻
呢款係Signature甜品 自己都好喜歡👍🏻 酸酸地又帶點甜 好清新味道一直流在口裡 必定會再去食嘅款式

🍫 3.14 生巧撻
好喜歡呢個3.14朱古力撻 朱古力好濃唔甜嘅朱古力 一啲都唔膩食完呢款甜品係絕對唔會有罪惡感

🖤 流心黑芝麻泡芙
黑芝麻係大眾都喜歡嘅一款係唔會好甜 而上面嘅黑芝麻醬好特別 甜甜地而裡面做到有香濃黑芝麻流心好精緻

🥭 熱帶果芒果撻
呢款含有芒果同熱情果 岩哂呢個炎炎夏日食呢 上面有粒粒百香果籽 食落更有口感 好新鮮酸酸甜甜 好健康嘅水果撻

🍋 檸檬榛子泡芙
呢款泡芙嘅蛋白霜係以檸檬整成好滑好fresh 而泡芙入面係榛子🌰醬唔會太甜

🌸 茉莉花馬卡龍
呢款花茶味嘅馬卡龍好少食到 今次呢款係淡淡嘅茉莉花香味 馬卡龍好鬆軟整得好出色

🍫 焦糖朱古力泡芙
本身以為焦糖朱古力一定好甜啦 食到好濃嘅朱古力味同焦糖味好夾 但又唔會得個甜字 而且朱古力cream好滑 一口泡芙真係好正👍🏻

🍫 生朱古力焦糖馬卡龍

🥧 生薑馬卡龍
呢款生薑馬卡龍又係一款好有創意嘅諗法 佢有少少似薑撞奶味道 呢款留翻比大家去試試🫶

🍰記得每一次都會試到唔同款嘅甜點 好岩同兩､三個朋友去試下😻

📍地址:白鴿巢沙欄仔斜路4A號成安大廈地舖(沙欄仔往白鴿巢公園斜路中間)
#澳門必食 #澳門必買 #澳門必玩 #澳門打卡 #葡撻 #豬扒包 #UCreator