2024/08/07

性價比高過江龍拉麵 - 一風堂🍜

想試一風堂嘅拉麵好耐，今次終於係尖沙咀食到🍜價錢本身唔算貴，加配小食同飲品做套餐重抵。今次淨係食拉麵同share咗兩粒餃子已夠飽，下次再肚餓啲一定加配做套餐😆 同朋友專登叫咗三碗唔同口味嘅拉麵試吓🍜：兩款豚骨湯底，一款豚骨雞白湯底。其中我哋揀咗兩碗係特製，主要分別係特製拉麵比普通款多咗兩片叉燒✨、溫泉蛋✨同紫菜✨。整體湯底濃厚，油份都幾重，拉麵口感彈牙，掛湯幾唔錯。溫泉蛋🥚煮到勁流心，配搭住食，味道更提升😋😋 每碗拉麵都有三款叉燒🥓可以揀，我哋分別試咗炙燒卷腩叉燒及慢煮豬柳叉燒： 🥓炙燒卷腩叉燒肥瘦適中，脂油香較突出，帶少許焦香👍🏻 🥓慢煮豬柳叉燒相對無咁肥，有咬口，同埋帶啲煙燻香，豬肉味更突出，值得試👍🏻 ～～～～～～～～～～～～～～～～～～～～～ 🍜白丸元味 (特製) $85 豚骨湯底，最原始口味，鹹香味幾突出，質感順滑。 🍜赤丸新味 (特製) $85 同樣係豚骨湯，湯底有黑蒜油香味，帶微辣，香濃得嚟又唔會體過鹹，整體味道豐富。幾鐘意😋💖 🍜橫濱家系豚骨 $85 依款比較少見，係豚骨加雞白湯底。諗住加咗雞白，相對冇就咁豚骨湯咁濃味，點知飲第一啖已好驚喜！首先湯底係好濃郁惹味，比起另外兩款更要多咗份鮮味✨都係我同朋友一致最鐘意嘅🍜💖💖 黑松露汁餃子 (6件) $48 餃子細細地一隻，餡料帶肉汁，配上醬汁有淡淡黑松露香，特別嘅配搭 ——————————————————————————— 📍一風堂 (尖沙咀店) 地址：尖沙咀廣東道30號新港中心210號舖 ——————————————————————————— 歡迎follow+like🌸Instagram: yuen_yin68 https://instagram.com/yuen_yin68?igshid=mgl3wgvbhyfm #香港美食 #香港日本菜 #IPPUDOHK #香港一風堂 #香港美食指南 #日式拉麵 #香港必吃 #香港攻略 #一風堂 #拉麵 #豚骨拉麵 #日式料理 #ramenhk #hkrestaurant #restauranthk #香港餐廳 #食評 #相機食先 #食物拍攝 #吃貨 #美食日記 #尖沙咀美食 #foodiehk #hkfoodie #hkblogger #hklifestyleblogger #hkfoodblogger #foodphotography #hkfoodlover #restaurantreview #拉麵 #日式料理 #一風堂 #食評 #香港美食 #hkblogger #相機食先 #日式拉麵 #hkfoodie #尖沙咀美食 #hkfoodblogger #香港餐廳 #美食日記 #香港必吃 #豚骨拉麵 #香港攻略 #foodiehk #hklifestyleblogger #foodphotography #hkrestaurant #吃貨 #香港美食指南 #香港日本菜 #hkfoodlover #食物拍攝 #restaurantreview #香港一風堂 #ramenhk #restauranthk #IPPUDOHK (此文章由U Blog 同步發佈至社群)...更多