2023台北親子旅行 | Day 3 行程 - 內湖區親子景點 象園咖啡 + Snoopy Play Center + 通化夜市 | 行程規劃工具 Google My Map

媽媽都係第一次坐捷運內湖線，幾乎全程都係高架鐵路，沿途可以睇風景，小朋友都會開心D!     第1站 ! 象園咖啡 (文德站2號出口)   第4站! 大港墘公園共融式遊戲場 岩晒鍾意爬高爬低，跑來跑去嘅小朋友，地方好大，兩個細路玩到唔捨得走~   📍台北市內湖區瑞光路391號   (借用官網照片)   第5站! 買手信 @Pâtisserie Francis旋轉木馬點心坊 (劍南路站2號出口) 非常推介佢地出嘅鳳梨雪茄蛋捲，好香鳳梨味，食到一絲絲鳳梨肉! 唔想再買鳳梨酥嘅話，可以試吓呢間:) 收到嘅朋友仔都話好食!   📍台北市中山區明水路672巷46號 🌐https://www.patisseriefrancis.com/     第6站! Snoopy Play Center 大直館 位於ATT e Life 3樓，呢個商場原來係有好多親子玩樂地方同賣小朋友嘢嘅商店，下次要預多D時間嚟好好玩吓行吓! Snoopy Play Center都算係個應有盡有嘅playhouse，有一條好長嘅滑梯，見朋友玩得好有速度感!   📍台北市中山區敬業三路123號ATT e Life 3F 🌐https://www.snoopyplaycenter.com.tw/     第7站! 通化夜市 多謝移台朋友仔介紹!! Day2全日都係食食食，Day3就係玩玩玩，去到夜市嘅時候大家都好肚餓啦，一去到就已經見到好吸引嘅<<大花香腸>>，即刻買一人一條，食住行夜市! 另外極推<<快樂QQ球>> 疫情前已經好鍾意食呢間嘅地瓜球，加上前一晚喺饒河街夜市買嘅地瓜球係會收縮到好細粒又唔脆...勁失望，呢晚喺通化夜市食到<<快樂QQ球>>係額外興奮!! 有檔炸魷魚都好好食! (唔記得影低個檔攤) 仲玩咗檔店主好好人嘅飛標，成功嬴到一人一隻公仔戰利品!   超級行程豐富嘅一日，返到酒店大家沖完涼再一齊食夜市宵夜，玩到凌晨1點...非常盡情嘅一日:)   Day 4 基本上我地encore咗次Simple Kaffa做brunch，就要出發去機場回港了~ 所以今次台北親子旅行blog亦到此為止:)   *** 順帶分享一個我好喜歡同必用嘅plan行程工具，就係Google My Map! 每次計劃行程，我都係會先睇唔同渠道e.g. travel blogs, ig, youtube vlog, etc. 搵到想去嘅地方，就會加入去Google My Map嘅自訂地圖，慢慢搵吓加吓，就會可以將自己要去嘅地方分區域，再畫各日嘅路線出嚟。 Pin咗嘅地圖大概就係咁，就會好容易搵到到時要行嘅路線，交通安排如何。   成個台灣已經俾我pin到滿晒了 haha 通常我見到想去嘅時方都會mark低先 到真係有機會去嘅時候，就唔洗搵地方搵得咁辛苦啦:D 🌐https://www.google.com/mymaps   *** P.S. BB車絕對係我地呢趟旅行最好嘅幫手，兩個小朋友全程移動中都有BB車代步，去到要玩要食嘅地方就有足夠精力，BB車更加係媽媽們嘅購物車，冇咗BB車嘅話，兩個媽媽對膊頭同對手肯定搞唔掂... 附上掛滿滿嘅BB車兩架 hahahahaa   ig: @123LungsumkaMami (@123Lungsumka 暫時停用中) email: wwwwwaiki@gmail.com   -—*-—*-—*-—*-—*-—*-—*-—*   #琛珈去旅行  #琛珈去台灣 #象園咖啡 #大樹藥局 #初心菓寮 #大港墘公園共融式遊戲場 #SnoopyPlayCenter #通化夜市 #GoogleMyMap #內湖區 #親子景點 #台北旅遊 #親子遊行 #travelblogger  #台北美食  #台北親子景點  #台北自由行 #hkmama  #hkblogger  #hkmamablogger  #親子 #親子活動 #玩樂 #香港媽媽  #二寶媽媽  #媽媽日常  #寶寶日記  #台灣 #親子活動 #親子 #行程 #玩樂 #台北旅遊 #台北美食 #hkblogger #內湖區 #台北自由行 #通化夜市 #travelblogger #親子好去處 #香港媽媽 #台北親子景點 #親子景點 #HKmamablogger #HKmama #媽媽日常 #二寶媽媽 #000000 #寶寶日 #琛珈去旅行 #琛珈去台 #親子遊行 #大樹藥局 #初心菓寮 #大港墘公園共融式遊戲場 #SnoopyPlayCenter #GoogleMyMap (此文章由U Blog 同步發佈至社群)