高質燒肉💕

經過呢間燒肉店，俾佢既佐賀A4和牛吸引住，揀左個日本佐賀A4和牛海鮮放題 - Level 4，$688，小童90cm以上， $418🙈

除左可以任食佐賀A4和牛，仲有澳洲和牛、海鮮同任飲清酒、啤酒，食物多達140品。

海鮮包括生蠔、蝦、鮑魚、帶子、聖子等，海鮮質素都很好，大大隻，好新鮮👍仲有原條魷魚🤩

至於A4和牛，片片雪花紋，牛脂重。推薦牛角切，燒完原粒放入口，成口充斥住牛脂，勁正。每次上餐，都一定附上紙牌，分清楚部位。

餐廳另有自助區，有少量熟食、甜品、飲品同蔬菜提供。甜品除了大福、泡芙、布丁，仲有軟雪糕同糖果任食。

餐廳座位都闊落，有BB凳提供，仲有圍裙供使用。