位於佐敦既Heart Coffee 行簡約文青風，主色為白色🤍伴隨着一些綠色植物🌿環境好舒服，適合約埋三五知己聚會✨超級想讚既喺職員好有禮貌，整個食飯既體驗幾開心😎！
<生酮泰式青咖哩金目鱸魚 配沙律> $125
大部份菜式都偏簡單健康，而呢個生酮泰式青咖哩金目鱸魚配沙律都唔例外～魚皮輕微煎到金黃色，外皮香脆，烤焗嘅火候幾好🤩魚肉細嫩滑溜，味道鮮甜。泰式青咖哩汁微辣香口，唔太食得辣既人都可接受。加上沙律就中和返油脂的口感，唔錯🥰
<煙三文魚刁草忌廉汁意大利飯> $109
呢個意大利飯好足料🤤有好多煙三文魚鋪滿成個飯，而且個刁草忌廉汁醬唔會話好多，比例剛剛好👍🏻煙三文魚本身偏鹹，香氣十足，加埋濕潤既意大利飯，整體口感煙韌，幾好食🤪
<蟹肉車厘茄沙律配香檸橄欖油> $89
蟹肉有點鮮味，加埋新鮮既蕃茄仔，配以帶有香檸酸味既橄欖油，沙律整體香而不膩，感覺清新🥗
🥕
呢個蛋糕係自家製，用料豐富，除咗胡蘿蔔之外，入面夾雜住大量合桃同紅莓乾，而蛋糕表面同中間都有忌廉芝士，雖然有點硬身，但夾埋一齊食就啱啱好，唔會過甜🤣蛋糕偏濕潤鬆軟，食既時候唔會食到胡蘿蔔既澀味，味道豐富有層次，非常耐嚼，雖然係高纖甜品，但大推✅😆
<生酮杏仁豆腐芝士蛋糕>
呢款蛋糕喺廚師額外請小編食架🥺超級多謝佢丫❤️芝士蛋糕非常香口！除了面嗰層既杏仁豆腐，仲有層似消化餅乾餅底，帶有綿沙口感，而蛋糕的甜味都係來自呢層餅底。蛋糕整體入口香甜濃厚，唔會太死甜，成個感覺都好似食緊濃郁版既杏仁露🔥係超級高質既生酮蛋糕🥲🥲
