荃灣區新放題《御滿屋》

荃灣區新放題《御滿屋》 荃灣區大鴻輝，有好多食肆林立，近排御滿屋就新開左喺呢度，今次就試吓佢，今次食呢個係77品A餐。 自取區： 入到去門口係自取區，有好多唔同嘢食可以自己拎，有螺肉、中華沙律、八爪魚等等；比較特別嘅係佢有海葡萄，冷盤就有翡翠螺，蜆同青口等等；炸物有炸餃子、薯條、薯角、炸雞 。 自取飲品區： 自取飲品方面有好多韓式飲品，同埋茶；另外仲有啤酒，日式汽酒，仲有3部清酒同梅酒機喺門口；而水吧方面仲有一啲特飲可以拎，例如台式奶茶。 刺身： 首先叫左盤刺身，已經有八至九款刺身可以食到，帶子鮮甜，赤蝦爽口，刺身都好新鮮，劍魚腩亦都係幾特別嘅刺身，油甘魚就一定要比讚，面頭有一層油脂好滑好甘味，刺身絕對可以encore。 海膽手卷： 只要A餐就已經可以食到海膽手卷，手卷唔會飯太多，海膽色澤睇落都非常鮮色，入口都鮮甜。 吉列炸蠔： 吉列炸蠔絕對係新鮮炸起，唔似擺咗好耐嘅炸蠔，亦都唔會充滿咗炸粉係周邊，蠔人口無腥味，鍾意食炸蠔嘅人必叫。 蒜蓉焗生蠔： 經常見到侍應一盤盤咁樣放出嚟，證明真係好多人好鍾意叫依個焗生蠔，上台既生蠔好多蒜蓉係上面，唔入味都唔得啦，焗起咗嘅生蠔唔乾，味道亦都唔錯。 御泰之味冷鮑魚： 鮑魚係用咗泰式嘅煮法，仲有好多辣椒同埋魚露調味，味道較辣，鍾意食辣嘅朋友唔可以錯過。 豉椒炒蜆： 豉椒炒蜆個汁豉椒好多，蜆都好入味，上到枱熱辣辣，食蜆最驚有沙，依個蜆入邊亦都冇沙嘅情況。 天婦羅： 天婦羅有秋葵、虎蝦、蟹棒、南瓜選擇，仲會覺得比較有驚喜嘅係秋葵，有落非常之爽口，同埋保留到秋葵汁係入面。 甜品： 甜品方面有一大個雪糕櫃放左係度，可以自助任取，大賣點係有Häagen-Dazs同埋Movenpick任食，平時出去食一杯都幾十蚊，食兩杯已經抵曬，每一次都有唔同嘅味道，當日仲有特別嘅焦糖脆餅添，唔中意食雪糕嘅話，雪櫃仲有好多韓國同泰國雪條，總有一款啱你。 御滿屋日本料理 荃灣眾安街55號大鴻輝(荃灣)中心10樓 #foodie#hkfoodie#hkfoodblogger#美食當前#食咗先講#御滿屋荃灣#御滿屋#御滿屋荃灣新店#任食放題#御滿屋放題