上樓高質之《醉忘魚屋》

上樓高質之《醉忘魚屋》 今日同朋友媽媽talk，上樓高質之《醉忘魚屋》真係好岩傾計，餐廳係新開業，舖頭魚產全部從日本每日直送，餐廳裝修簡潔舒適，有日式feel，有好多唔同既酒做裝飾， 日出(蕃茄啫喱) $68： 蕃茄十分新鮮，好大個，蕃茄心中間呈啫喱狀，加入鰹魚湯汁十分入味，再灌入蕃茄之中，整體口感清甜爽口， 吞雲吐霧(蘋果木煙燻芝士炸紫菜) $68： 上菜前用左蘋果木煙燻，店員打開個蓋個下，煙香慢慢出來，好香，打卡打之選，但我掛住拍片，唔記得影相=.=，呢道菜其實佢炸紫菜同麵豉醬醃芝士，鬆脆炸再加一粒濃郁芝士入口，口感好特別，入口酥脆幼滑，味道層次豐富， 士佐豆腐 $48： 用豆腐作食材，看似簡單，但味道吸引，豆腐豆味香濃滑溜，在豆腐上沾上麵粉，油炸後淋上魚醬汁，伴隨微辣椒蘿蔔蓉，口感外層酥脆，內裡嫩滑，十分惹味， 特上刺身盤(4點)$388： 四點刺身係金目鯛, 赤貝, 中拖羅, 深海池魚，新鮮既魚生，入口新鮮鮮甜， 金目鯛同深海池魚入口鮮味，無咩筋，赤貝爽口彈牙，中拖羅入口即溶， 馬友一夜干 $238： 師傅話係燒馬友，肉質好鮮甜，啖啖肉又小骨，我哋一口接一口，好快ko咁大條魚。 串燒盛合 $158： 盛合有青椒仔，荔枝煙肉卷，雞翼，雞軟骨，豚肉，青椒仔幾爽甜，荔枝煙肉卷好特別，荔枝既清甜令到煙肉無咁油膩，雞翼/雞軟骨/豚肉正常發揮， 天婦羅併盤 $108： 炸物有蘆筍，南瓜，，秋葵和冬菇，炸粉夠薄脆，入口唔會食到成口粉，最中意食紫薯，夠哂香甜 ， 最印象最深刻係吞雲吐霧及馬友一夜干，真心好食，其他食物水準都不錯，價錢合理，一定會會再幫襯。 醉忘魚屋 銅鑼灣登龍街28號永光中心13樓 #foodie#hkfoodie#hkfoodblogger#美食當前#食咗先講#醉忘魚屋#銅鑼灣登龍街#永光中心