【純粹分享】歡樂港灣

62 99未去過呢邊 所以就過嚟歡樂港灣到此一遊 行吓hea吓 首站去咗鍾書閣打卡 📸 呢度啲書架以螺旋形設計著名 無論喺邊個圈 都有人打緊卡🤣 除咗呢啲書架 舖頭中間有個發住光嘅地球物體好eye-catching 但睇真啲佢並唔係一個地球 大家睇到係邊幅畫作呢😁 除咗打卡 入邊都有飲品賣 可以坐低睇吓書 之後就去咗摩天輪方向漫步 當日唔算多人排隊上🎡 但草地就好多一家大細喺度玩 大汗淋漓 行到熱辣辣就去咗阿嬤手作買嘢飲 呢間出名打米麻糬同老椰清補涼 再加埋現煮 唔算太多人但都等咗20分鐘 已經算幸運㗎喇 飲完就揸去西岸嗰邊食同仁四季椰子雞鍋 點咗個4人餐 包一隻文昌雞 一煲臘味飯 菜籃 手打牛丸 蝦滑 響鈴 炸鮮奶 食物係ok嘅 但環境搞唔掂 開咗冷氣好似無開一樣 最後要服務員拎2把座枱風扇仔先叫好啲 已經熱到無乜胃口食 🥵 大家可以揀入黑之後先去 我哋今次5點幾就開始食 太陽未落山 可能有影響 食飽就回港喇 🥰 #深圳美食 #深圳攻略 #深圳探店 #深圳打卡 #歡樂港灣 #寶安 #深圳好去處 #阿嬤手作 #鍾書閣 #摩天輪