打卡🌀刨冰

依間甜品店係天后就食得多，開左銅鑼灣分店之後就一直未有機會試，原因係佢出左名之後次次經過人都好多，要排長龍🥲同埋有時食正餐都食到好飽，再去食咁大份既冰都未必食得落😅 依日係Happy Friday,我就約左好友先食個臭臭鍋，由於星期五既關係，有限定用餐時間，所以又要食飯又要傾計肯定就時間唔夠用了。之後我就提議不如試下甜姨姨個冰啦，朋友都話未試過，都想try try🤤 幸運地，我地當日到達既時間尚早(晚上點前)所以都唔需要等位就可以入座了。我們倆坐低後目標都好一致，點一個冰就夠了😆因為睇相都好大碗。餐廳採取既點餐既付款形式，點完後大概坐5分鐘個冰就會送到客人枱上，可能當時唔多人效率都特別高。我們點既係「朱古力森林」亦即係薄荷特濃朱古力冰，賣相就係上面係覆蓋Oreo,而下面就係淡淡既薄荷綠色，另外再附上一小個朱古力醬，每張枱上都貼左張食刨冰小貼士供客人參考，非常貼心。主要都係提醒要盡快食用，同記得由上至下，外至內咁食，食到咁上下就可以倒埋額外既汁落啲冰到食，確保每一啖都會有依個薄荷朱古力口味☺️ 的確地，我同朋友各自影了兩三張相後明顯個冰都慢慢地溶了，所以都要加快速度咁開動，食既時候都唔可以停頓咁傾計太多，要不停🥄🥄🥄，至於味道都真係每一啖都食到薄荷加朱古力既味道，口感都尚算綿滑，入口即溶。而食到最後1/3，刨冰都慢慢地溶化成液體了，當侍應見狀，就會馬上上前問係咪唔要了，我大概都估到係因為門外都出現了人龍，小店要生存自然要做多幾枱。我都理解的，佢整盤收走後我們都唔好意思再坐落去，亦隨即交枱走人了。結果我地整個用餐時間可能都係30分鐘內。所以如果真係想搵個地方慢慢享受甜品又或者飯後想找個地方傾多陣，咁依到就未必適合了。而口味方面，我今次點的都係屬穩陣之選既薄荷朱古力味，所以一定唔會係驚為天人既食評😆我最欣賞都係佢同同區另一間冰店都係做到每一口都會食到你點既口味而又唔會過份甜膩，咁對我黎講已經算唔錯了，值得我下次再光顧試其他口味👍 #cakelover ...更多