🍶樓上㊙️店清酒愛好者天堂

今日朋友帶咗我去一間樓上秘店超正🥹我唔係好鐘意飲酒，但我都飲咗幾杯，店主同我傾偈之後推介嘅就全部都好啱我🤣就算我係入門級佢都搵到好多啱我又好飲嘅清酒🍶仲有啊佢啲串燒同埋小食全部都好好食，仲有平時女仔都唔會食嘅雞子我都覺得好好食🙈成個氣氛都好chill，同朋友傾咗成晚計好開心🥳 ✨煳麻唐揚炸雞 同兩姊妹涼皮店crossover，香脆嘅炸雞配上煳麻醬，煳麻醬好香，辣味係慢慢滲出來嗰種，適合配上清爽淡味嘅清酒，減低油膩感之餘亦都可以清新一下味蕾。 ⭐️辣味唐揚蘿蔔糕 個辣醬都係同兩姊妹涼皮店crossover，一睇咁紅以為好辣，實際上又唔係。有好香嘅辣味，但唔係搶到要搵水飲咁，又係小小刺激，令你想再食。蘿蔔糕外脆內軟，原來用日式唐揚嘅方法可以做到我最鍾意嘅口感，真係有啲驚喜。 🌟牛油烏賊肝醬炒魷魚 呢個好食，魷魚好彈牙配上鹹香嘅牛油烏賊肝醬，十分惹味。 🧀忌廉芝士明太子厚油揚 忌廉芝士包住外脆內鬆軟嘅厚油揚，再鋪上明太子。一入口3種食材味道夾埋一齊，好滿足。 🦪清酒煮廣島蠔 廣島蠔粒粒都好肥美，有天然嘅鮮味。清酒本身嘅米香味就係好夾海鮮嘅，而呢個餸用清酒煮，好好咁利用清酒嘅香味為廣島蠔提鮮，無論你中意咩口味嘅清酒，都唔會令你失望呀。 跟住落嚟我就介紹清酒🍶 🌸忠愛中取 播州愛山純米大吟釀 火入 一坐低就飲呢隻先，味道偏甜，有一種獨特嘅果香味，同前菜好夾。 🌙農口尚彥研究所 Premium Nouveau 2023Vintage 由於朋友飲開濃味一啲嘅酒，老闆就推介咗呢一款。聞落嚟有種好特別嘅乳酪味，味道口感有少少似白酒，甜甜酸酸咁，而且口感好順滑，特別適合上面介紹嘅牛油烏賊肝醬炒魷魚。 🫧澤屋まつもと 守破離 五百万石 生酒 口感比較輕，入口有少許炭酸嘅口感，味道係淡淡地甜味，好適合食串燒或者炸物飲。我平時好少飲酒，但估唔到呢隻酒幾啱我，嗰種清新嘅感覺好夾啲食物。 🍯木花之釀造所 柚子蜂蜜 濁酒 同其他清酒唔同，呢隻濁酒係奶白色嘅，我見個包裝幾靚咪叫咗杯。飲落去好似果汁咁，柚子味好香，蜂蜜亦都令酒更加醇厚順滑。 靚景指數：💛💛💛💛 好食指數：💛💛💛💛💛 抵食指數：💛💛💛💛 @sakebarchuchu  📍Sake Bar CHU CHU 地址: 銅鑼灣登龍街28號永光中心25樓 #hk #foodporn #foodstagram #hkfood #hkfoodie #foodiehk #hkgirlstyle #hkig #hkigers #hkfoodieblogger #hkfoodies #hkfoodielife #hkfoodig #hkeats #topcitybiteshk #食評 #香港食評 #香港美食 #香港好去處 #香港 #食好西 #銅鑼灣美食 #銅鑼灣 #germgerm識食 #識食銅鑼灣 #清酒 #sake #串燒 #食勻全世界 #銅鑼灣 #香港 #食評 #銅鑼灣美食 #串燒 #hkig #清酒 #香港好去處 #香港美食 #hkfood #foodporn #hkfoodie #foodstagram #hkfoodies #食好西 #香港食評 #hkfoodig #hkfoodieblogger #foodiehk #hkigers #hkeats #hk #sake #topcitybiteshk #hkgirlstyle #hkfoodielife #germgerm識食 #識食銅鑼灣 #食勻全世界 (此文章由U Blog 同步發佈至社群)