《背包媽和兩歲豬流浪🇯🇵》

2歲去東京玩乜😒？ 單拖媽一打一！真係得😒？ 沒有手推車？真心得😒😒😒😒😒？ 得得得！！！！ 豬豬自出娘胎已經飛咗六次！ 絕對係旅遊達人啊！ 今次啊豬媽繼續痴線！ 一打一，六日五夜，兩母女玩轉東京！ 除咗迪士尼..... 環球影城.... .Kidzania。東京仲有好多野啱小BB玩。 「首先要有一個襟玩嘅細路」 「仲一個玩命嘅呀媽.... 🤣」 For more, please follow IG&FB https://www.facebook.com/hkgirlfa Instagram : hkgirlfa 💕樂園之選💕Sanrio purland 💕 Klook 買票$147 (3歲以下免費) Hello Kitty land大家絕對唔會陌生㗎喇，而家klook仲做緊特價，門票冇限日子，買咗先，幾時去都得！同嬰幼兒去嘅好處係----門票全免！去旅行都係破財架喇；但絕對慳到一筆！ 💕方便溫泉💕極樂湯Gokuraku-yu Tama Center💕 平日大人￥930 (3歲以下免費) Sanrio purland 小朋友玩完之後，就到大朋友嘆，極樂湯位於Sanrio purland旁邊，行路大約兩分鐘。好大嘅溫泉，乾淨，露天風呂好正。豬豬玩到樂而忘返。 💕打卡之選💕Shibuya sky💕 Klook 買票$106 (3歲以下免費) 網紅打卡聖地！ 雖然得兩歲人仔，都要打卡㗎！ 除咗打卡，係真心靚！天氣好可以喺頂樓曬下太陽，佢有提供繩網，座位，讓人hea看人生。千祈唔好排隊去買飛，上klook買啦，平，而且直入，唔使排隊。 💕探索海洋💕Sumida aquarium💕 Klook 買票$226 (6歲以下免費) 海洋館連 sky tree 天望甲板一齊買，都係二百幾蚊，六歲以下免費， 一次過玩曬兩個景點。可惜當日落大雨，所以上到skytree melon 都睇唔到！Aquarium， 比較細型，但好有heart，都幾多嘢睇。 💕至抵動物園💕Uneo Zoo 💕 即日票成人￥600 幼兒免費 呢個動物園唔大，勝在平。 而且就係上野站旁邊，仲有個戶外遊樂場，細細哋，絕對夠放電！上野站多美食就係人都知㗎啦，行十五分鐘想食乜都得。 我星期日去，日本人對於熊貓係有種堅持，佢哋為咗一睹熊貓嘅風光，竟然願意排三個鐘？我不了！有老虎、北極熊、黑猩猩、大笨象、貓頭鷹等， 唔使排，非常吸引呀。 💕餵飼貓頭鷹💕Owlpark ikebukuro💕 大人￥1700 17歲以下￥1200 東京有好多貓頭鷹cafe，好多都唔畀小朋友入場。Owlpark ikebukuro 畀兩歲小朋友入埸， 仲可以同貓頭鷹近距離接觸。小孩子需要付款。門票包括餵食貓頭鷹一次及飛行體驗一次；就係貓頭鷹飛到你手上然後飛走。入埸無限時，貓頭鷹種類多仲有刺蝟等，但地方都幾細，人多擠逼。半個鐘就走了。對小朋友嚟講係一個好好嘅體驗， 老漢推車都要推一把，推介👍🏻 💕抱抱狐獴巧療癒💕Harajuku Kawaii Zoo Land💕 大人¥1500/30分鐘 3歲以下免費 近距離親親小動物嘅地方，抱抱雪貂、刺蝟、狐獴。 要注意，小動物始終有機會咬人。只可以讓大人抱抱，小朋友只可以摸摸。 這三十分鐘我和豬豬完全放空地摸摸動物，很療癒的。老漢推車又要推一把，推介👍🏻 💕與蛇共餐💕Japan snake centrer💕 入場費￥1000 包括一杯飲品 抱蛇加￥540 入場時間1小時 是個咖啡廳，檯面上有不同的蛇，都在玻璃箱內。如果想摸摸大蛇，可以加錢。幾好玩㗎，可以訓練小朋友對不同生物嘅認識。 💕豬全部都係豬💕mipig cafe💕 尺想去豬豬cafe？要早啲上網book，我早兩日都book唔到。東京暫時有兩間，超滿的。下次希望去到啦🥺 ✈️✈️✈️✈️✈️✈️✈️✈️✈️✈️✈️✈️✈️✈️✈️✈️✈️✈️ 後記： 今趟旅行係一個負重鍛鍊，因為我無帶bb車！日本鐵路唔係所有站都有升降機，所以帶bb車都幾唔方便，我決定『叫佢自己行』🤣！ 小朋友攰嘅時候孭吓佢囉。我連行李喼都冇帶！前面孭一個b，後面孭一個大背囊。走難式玩咗六日，哩個故事教訓「世界無難事」。單拖媽，為母則強，媽媽加油啊～❤️ #親子旅行 #親子日本 #親子好去處 #放電好去處 #日本好去處 #日本自由行 #香港bb #hkmami #hkblogger #mamabloggerhk #hkmamablogger #hkbeauty #親子 #香港媽媽 #hkkol #親子blogger #hkmom #香港媽咪 #hkkids #hkfamily #育兒 #孩子 #成長 #親子 #hkbeauty #日本自由行 #hkblogger #成長 #育兒 #親子旅行 #親子好去處 #孩子 #放電好去處 #hkmom #香港媽媽 #親子blogger #hkkol #香港媽咪 #hkkids #hkfamily #hkmami #日本好去處 #hkmamablogger #香港bb #親子日本 #mamabloggerhk (此文章由U Blog 同步發佈至社群)