山田海裡吃料理

朋友介紹左呢間韓國餐廳，話餐廳嘅老闆係韓國人，而且晚飯嘅氣氛好熱鬧，要帶小編去試下咁話。🤤 食得韓國菜，就梗係唔少得韓國嘅幾小碟啦。落單之後侍應已經即刻安排咗兩set前菜俾小編(們)啦，包括有泡菜、沙律、大豆芽、芽菜等等。🥰 🥙白切豬肉包心菜 $278 豬肉同脂肪層次分明，食落口感清爽，非常唔錯。用生菜包住豬肉、泡菜、蒜頭同醬汁會減低咗個肥膩感，非常推薦！ 🦑辣醬炒魷魚 $168 食落魷魚清爽，辣醬唔會太過辣到食唔到亦唔會太濃味，但係就保留到魷魚嘅鮮味，小編就幾鍾意呢個餸，要嚟送啤酒真係好正。 🐱海鮮炒年糕 $118 海鮮炒年糕用咗韓式長條年糕，煙韌度適中，炒年糕嘅醬汁非常杰身，陣陣辣味掛住喺年糕上面！而且海鮮嘅份量都非常之多，有青口、魷魚、蜆同蝦， 呢個價錢都幾抵食。 🐷豬皮 燒豬皮小編亦係係極度推介！快燒完嘅豬皮好彈牙， 食完真係覺得啲骨膠原翻曬嚟呀！ 🍖牛肋骨(有醃）$278 牛肋骨嘅醃料帶有少少甜味， 本身佢都醃得幾入味，燒完之后就更加惹味！ 🫓海鮮煎餅 $118 海鮮煎餅主要係用魷魚做材料，味道都幾好。小編略嫌覺得餡料可以再多翻少少。但係不得不提既係佢個醬汁，小編覺得煎餅配左佢個醬汁一齊食係提升左成個煎餅味道嘅層次，極度好食。 🥘牛肉冷湯麵 $110 呢個都值得提一提既，係因為咁多個餸小編覺得比較唔OK嘅就係呢一個啦，因為個麵好淋，而且牛肉嘅份量唔係好多。小編下次會試其他嘢囉。 總括嚟講，呢間餐廳冇咩靚裝同打卡位，但係成間餐廳嘅感覺係好熱鬧好開心。雖然用餐時睇得出比較多侍應係新手，但係禮貌同用心小編都feel 到嘅，而且加埋韓國老闆一眼關七，周不時走嚟同客人打招呼飲下酒，幾有人情味呀！你知啦，人情味既野，而家真係可遇不可求㗎嘛，所以小編都好推薦大家嚟呢度試下！🥰 P.S. 小編特別推薦大家嚟呢間餐廳慶祝生日，因為餐廳會播生日歌喇，老闆會自己落場做埋氣氛擔當。幫你準備埋生日蛋糕，同臺客人仲會每人得到一包9件嘅韓國紫菜。成班朋友嚟到咁有氣氛的餐廳慶祝生日，你諗下幾chill～😎 山田海韓國料理 📍觀塘開源道60號駱駝漆大廈第3座3樓U室 港鐵觀塘站 B1 出口, 步行約4分鐘 營業時間 12:00 - 23:00 (15:00 – 23:00休息) #foodiehkcouple觀塘 #foodiehkcouple韓式 #KTfoodie #hkfoodie#hkfoodies#foodiehk#foodhk#hkfood#hkfoods#hkfoodblogger#hongkongfoodies#hongkongfoodie#hkfoodlover#hongkongfood#foodiehk#週末好去處#拍拖好去處#情侶好去處#香港美食指南#香港美食日記#香港美食#香港好去處#觀塘餐廳#觀塘好去處#觀塘美食#韓國餐廳#韓式餐廳#韓國菜#家庭聚會#朋友聚會 #山田海韓國料理#想去就去#UCreator#打卡美食#隱世打卡點#好去處#全新景點#chill