2025/03/03

立即投稿請您去酒店Staycation

[將軍澳］甜品控必試人氣打卡西餐廳🍰 距離將軍澳地鐵站5分鐘路程左右有間食甜品好出名既西餐廳，餐廳裝修簡約配以柔和光線十分舒適，餐廳不論晏就定夜晚都經常滿座，如果有興趣想食既可以早少少黎☺️餐廳自家製甜品好出名，人氣開心果麻糬tiramisu更係期間限定，另外有紫薯芋泥麻糬卷蛋同伯爵茶麻糬卷蛋都幾特別～另外晚餐設有二人餐都好抵食，包兩個甜品、兩杯飲品、一個前菜、兩個主菜，唔夠仲可以優惠價追加多款小食，真係好滿足🙈 ————————————————————————————— ♦️甘筍南瓜湯、沙律：餐湯唔鹹而且帶有南瓜鮮甜味道，仲食到細細粒甘筍令到口感更豐富，飲落綿密嫩滑🫕沙律菜好新鮮爽脆、蕃茄仔鮮甜唔酸 ♦️ 蒜蓉、芝士焗生蠔（4隻）🦪：佢可以比我地揀要每款2隻，咁就可以兩隻味都試到☺️兩款真係各有特色，蒜蓉味道較濃郁而且好香蒜味，反而芝士味道較淡冇咁濃味，表面鋪滿大量芝士超creamy，生蠔隻隻都好肥美飽滿，生蠔控唔好錯過呀😋 ♦️牛油炒野菌🧈：有多種菇類如冬菇、蘑菇、雞髀菇等，牛油與大蒜、香草結合，更增添左香氣深度，更除去野菌既草青味，牛油令整體口感滑順而且豐富 ♦️意式白酒煮蜆：蜆煮到岩岩好熟，每隻都好肥美肉質飽滿脹卜卜😍白酒味唔會話好濃適中有些微酒香味 ♦️北海道帶子墨魚汁意大利粉：墨魚汁令到意大利粉呈現出濃郁黑色，並帶有海洋鮮味～北海道帶子有稍微底面煎過所以更加香，肉質煎完都唔諧仲好鮮甜～意粉好彈牙同帶子、墨魚汁互相搭配 ♦️美國安格斯肉眼牛扒（7成）：有4種熟度可以揀，今次揀左7成點我覺得岩岩好，牛肉厚身好大塊，切開牛肉見到仲有些微紅肉唔係全熟做到7成熟效果，而且唔多筋肉質保持軟冧👍🏻特別要讚佢有好多粒薯仔，我個人好中意幾中意，平時出面多數配薯條變左好油膩，但配薯仔就唔同薯仔皮都好冧，可以直接一齊食 ♦️牛角窩夫配雪糕：雪糕係雲尼拿味仲夠晒冰凍，窩夫仲暖笠笠而且外脆內軟，同雪糕黎個冰火交融 ♦️開心果麻糬提拉米蘇：呢款甜品係期間限定，提拉米蘇既咖啡味同開心果味道好夾，表面鋪滿左粒粒開心果碎口感更豐富，而且唔會話好甜，開心果醬好細滑，配埋QQ麻糬夠晒煙韌 ♦️凍檸檬茶、香茅生薑蜜：凍檸檬茶唔苦澀，茶底唔會過濃配埋新鮮檸檬飲落好清新～香茅帶有清新的檸檬香氣，味道微甜，而生薑帶有微微辛辣感又唔會過於嗆口，可以有助暖胃配搭幾新鮮評分🖍️(滿分為5個🌕) 抵食指數：🌕🌕🌕🌕 🌕 服務質素：🌕🌕🌕🌕🌕 環境：🌕🌕🌕🌕🌕 味道：🌕🌕🌕🌕🌕 📍Owens (將軍澳中心) (將軍澳) 將軍澳唐德街9號將軍澳中心1樓135A號舖 #foodie #hkfoodie #hkig #food #hkfoodpic #hongkong #hkrestaurant #hkfood #hkfoodblogger #foodiehk #香港美食 #抵食 #美食 #打卡熱點 #香港旅行 #香港旅遊攻略 #香港美食指南 #週末探店 #打卡餐廳 #真材實料 #性價比高 #將軍澳美食 #新界美食 #意大利菜 #生蠔 #意粉 #西餐 #我係咖啡達人 #我想食Buffet #嗚啦吔哈 #嗚啦吔哈 ...更多