2025/03/26

日本人氣滋味吉列牛

Airside已成為我哋熱門行商場首選，貪佢夠方便而且仲好多名牌食肆，今次去咗呢間人氣店，佢哋嘅吉列牛非常有名，所以慕名試下😋。餐廳裝修簡潔乾淨，牆上掛滿日式油紙傘，好有氣氛🥰。 🥢四品牛魔御膳$328 四品包括有菲力牛、翼板牛、穀飼西冷及醬味薄牛，一次過試足四個唔同嘅部位，啱哂牛魔王嘅我哋👍。吉列炸皮好香脆配上內裡粉嫩多汁嘅牛肉睇見都好開胃，最鍾意就係翼板牛，口感好而且牛味濃😋。如果唔想食太生嘅話都唔緊要，店方會提供個煎pan，自已親手煮到生熟度滿意為止😆。我哋覺得唔煎嘅話牛肉入口會比較juicy，如果煎一煎嘅話就會香口啲，最好試齊兩種食法😃。御膳內提供咗好多醬汁，包括有青唐辛子味噌、咖哩醬、牛扒特製醬汁、山椒鹽及和風醋汁，總有一款醬汁啱口味，另外仲配埋個溫泉蛋添，撈飯食一流👍。 🥢鰻魚大海老御膳$208 海老大大隻，造型一流，香脆吉列炸皮內包裹住非常爽彈結實同時又鮮甜juicy嘅海老，鰻魚外脆內嫩腍，鰻魚味道濃郁鮮甜，仲有個清爽又好味嘅他他醬😋。 🍚御膳均附上白飯、椰菜及味噌湯，皆可免費追加🎉。 🧂檯上面有磨香咗嘅芝麻、酸酸地好開胃嘅甘筍柚子醬及胡麻醬，唧啲落椰菜度一齊食超夾👍。 🍹奇異果熱情果有氣特飲$48 🍹熱情果蝶豆花有氣特飲$48 兩杯飲品造型都好靚，飲落清爽開胃又唔會好甜，配炸物一齊食可消滯減膩😊。 🍰特濃抹茶小豆流心蛋糕 $52 抹茶蛋糕口感綿密，抹茶味都幾濃郁，大大粒軟腍香甜嘅紅豆配上糖漬橙皮，好夾又好味，再加埋雲呢拿雪糕及忌廉，很好嘅配搭。 🧁草莓小豆雪糕三文治$58 三文治外皮炸到熱辣香脆，包裹住軟滑甜香嘅雲呢拿雪糕，冰火感覺衝擊味蕾，再配上綿腍紅豆及綿綿雪芭，做結尾嘅甜品無得輸💫。 📍京都勝牛 (AIRSIDE) 啟德協調道2號AIRSIDE B1樓B129號舖 #九龍城美食 #吉列牛 #京都勝牛 #啟德美食 #AIRSIDE (此文章由U Blog 同步發佈至社群)...更多

日本人氣 滋味吉列牛

日本人氣滋味吉列牛