職安真女子の澳洲打工初体驗

喺一個完全陌生嘅城市走走DakDak 咗一日，感覺就像十多年前去星加坡打工一樣，有啲歷險嘅感覺，啲青春返晒黎！ 澳洲每周不能多於 38小時的法定工作時間，超過 38小時的工作時間，其報酬應根據裁定和協議而定。大部份公司都係返7-8 個鐘。但小弟嚟揼石仔做苦工日曬雨淋，要返成11個鐘，朝6:30晚5:30，搭4:40AM火車， 辛苦過做石屎佬。要搵返同香港差唔多嘅人工仲要責任少咁多就係咁架啦，冇得投訴。由搭香港機場快線返工遙身一變成搭布里斯班機場快線返工，由黃金海岸去布里斯本巿中心單程盛惠$9.7，同香港站去機場站員工價差唔多。 講到搭火車，我啲喺悉尼讀書嘅朋友知道我搭火車返工後😮0咗嘴話幾唔安全。有個喺呢度長大嘅香港中坑話佢搭火車嘅次數一隻手嘅手指數得晒🙄我今日應該搭嘅次數可能多個佢一世搭嘅次數。佢仲千叮萬囑叫我唔好坐近門口同埋要坐喺cctv 影到嘅位置，見到奇怪人要立即閃。返工時腦細又有問我車上見唔見到奇怪人仕。上到火車後覺得其實幾安全，乾淨過London Tube好多（tube 啲櫈污糟到你只想全程企喺度)，車箱及站頭冇被vandalised ，又保養得好新淨。 午餐 完來澳洲人返工真係唔take lunch break㗎(最多30分鐘)。唔怪之得之前喺香港會俾個洋人大腦細發現我食完lunch 遲到！好- 肚- 餓-呀 交通 雖然我起緊地鐵站，而寫字樓也不是離火車站太遠，但去某啲地方確實唔係好方便，所以我踏出咗第一步- 搭Uber 去上白卡課程。搭Uber 20 分鐘，搭地鐵要60分鐘以去, 14km 盛惠$30，任君選擇。同銅鑼灣去紅磡差唔多價錢。 呢分工扣咗出名甘嘅澳洲入息稅後應同我十年前嘅人工差唔多？但總算係高薪過英國。聽聞啲英國工程L好多都嚟咗澳洲打工。希望工作上會聽到多啲英國口音，等我覺得親切啲而適應啲。好采地盤有不只我一個亞洲面孔啫，如果咪我應該好唔慣。 #澳洲 #工程師 (此文章由U Blog 同步發佈至社群)