2024/08/18

Belly Go Round-JUST FOR FUN

. Just For Fun (食於2023年3月14日）觀塘觀塘道436-484號觀塘工業中心1期地下1號舖 ⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️ 🍴美食資訊🍴 經典牛堡 ($52) 配料有蕃茄，烤洋蔥，生菜，芝士，酸青瓜，同埋兩樣靈魂配料：手打牛肉漢堡同埋佢地個達DO醬🔥漢堡買落肉味十足又多汁，仲要有啲筋位咬落係更有口感；個達DO醬就近似千島醬帶微微嘅辣，但意外地覺得幾match同令成個漢堡味道更惹味👍建議一定要趁熱食，因為係即叫即整，同埋最最最緊要係攞啲嘢墊住食，因為成個漢堡都好juicy😂基本上係一路食一路滴醬汁。豬柳強（$48) 配料有蕃茄，生菜，芝士，蜜糖芥末醬，蛋同埋手打豬😛呢個對比牛堡，感覺更加「肉」😂因為有蛋嘅關係，啖落去爆出嚟嘅蛋液同汁更多，雖然食到好捩咁棄，但係食手工漢堡，預左架啦😌😌同牛堡比各有特色都係咁正，就睇你係鐘意食牛肉定豬肉。水牛城雞翼($30) 雞翼外脆內嫩，而且好夠汁😂影相個陣，啲紅油已經慢慢流緊出嚟。味道唔錯，唔算話好辣，但都夠濃夠惹味。亞古獸(+$16) 姐係麥樂雞，外皮唔算太厚，成件雞較薄身少少，點醬食又係好食嘅小食😛 薯條/薯格兩者份量都好多，同埋都自帶少少咸味，記得要趁熱食。 ⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️ 👑評分味道：4/5 環境：- 價錢：4/5 份量：4/5 服務：- 推薦度：4/5 位於觀塘嘅手工漢堡店。位置比較遠離觀塘市中心，近住裁判法院個頭，但所謂有麝自然香，位置並唔會掩蓋到佢手工漢堡出色嘅表現。呢間漢堡主要做外賣，而且嘢食即叫即整，外賣攞上手係feel到股熱氣。所以買完唔好周圍行了，盡快食👍落完單可能要等一陣，不過呢個味道同份量，絕對對得住個價錢有突。 ⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️ 小日記❤️：呢間原來之前肉公主已經bookmark左，今次機緣巧合下終於去到試呢間漢堡飽店，用香噴噴嘅手工漢堡，作為我地嘅白色情人節大餐😆 by 腩王子🤴🏽 📍觀塘 👻肚子開門（IG）：@justforfxxhk 💁🏻‍♂️💁🏻‍♀️About us（IG）：@belly_go_round #出色 #漢堡 #抵食 #高質 #外賣店 #誠心 #手打牛肉 #手打豬肉 (此文章由U Blog 同步發佈至社群)...更多