銅鑼灣CP值極高西餐店

唔知大家知唔知道，喺銅鑼灣呢啲鬧市裏邊，有好多唔同嘅小店臥虎藏龍，佢哋嘅食品質素好高之餘，CP值仲好高，往往都喺商業大廈裏邊等大家發掘，今次就想同大家介紹一間係商業大廈裏面嘅CP值極高西餐店，佢正正位於登龍街樓市裏面，我自己同朋友食完都覺得好推薦，所以想同大家介紹吓！ 呢間舖頭主打食西餐，佢哋嘅舖頭裝修風格都好靚，絕對可以打卡。佢哋嘅午市套餐有幾十蚊至$200不等，種類亦都唔少架！今次我哋選擇咗蒜香辣蟹肉扁意粉同肉眼扒配韓式燒肉汁套餐。 每一款嘅套餐裏面會贈送一份沙律或者湯品，我哋選擇咗湯品，佢哋嘅是日餐湯係栗子忌廉湯。一入口佢哋嘅味道好特別，唔係我哋平時食到栗子嘅味道，質感好滑而且好溫馴，食得出係用心製作，超級加分。 蒜香辣蟹肉扁意粉我同朋友都覺得超高質，一上菜熱辣辣，入口有勁香濃嘅蟹味，配合微微滲出嘅辣度令人食指大動。意粉方面入口都唔錯，唔會爛蓉蓉，濕度亦都保持得好好，絕對係必食推介。 同肉眼扒配韓式燒肉汁套餐我哋選擇咗七成熟，一上枱見到牛扒勁大份，CP值真係超級高！餐廳亦都好貼心，除咗有韓式燒肉汁之外，仲附上海鹽胡椒作為另外一種調味，可以一次過食都唔同口味。肉眼扒入口肉味都好香，啖啖肉絕對係牛魔王最愛，我同我朋友都食得好滿足。 總括嚟講，我覺得呢間餐廳質素都好高，喺銅鑼灣想平平哋食質素高嘅食物，呢間餐廳我都好推薦，大家如果有興趣記得去試吓！ 🇭🇰Memoir 香港銅鑼灣登龍街永光中心17樓🇭🇰 #danacaneat #foodiehongkong#hongkongfoodlover#hongkongfoodie#hongkongfood#foodsharing  #foodie #eat  #香港#hongkongfoodblogger #hongkongfoodlover#hongkongfoodie#instafood#hongkongrestaurant#hongkongeats#hongkongfoods#hongkongfoodbloggers#instafoodie #instafoodporn #instafoodgram #foodporn#吃貨#Eeeeeats##FoodPhotography #FoodGasm#ForkYeah #FoodInTheAir #Delish #EatingForTheInsta #CleanEating #Nom# #香港 #eat #foodie #foodsharing #foodporn #hongkongfoodie #hongkongfoodblogger #hongkongfood #吃貨 #instafood #hongkongrestaurant #hongkongeats #instafoodie #Delish #danacaneat #foodiehongkong #hongkongfoodlover #hongkongfoods #hongkongfoodbloggers #instafoodporn #instafoodgram #Eeeeeats #FoodPhotography #FoodGasm #ForkYeah #FoodInTheAir #EatingForTheInsta #CleanEating #Nom (此文章由U Blog 同步發佈至社群)