啟德SOGO樓上靚西餐
啟德SOGO樓上靚西餐
啟德站附近近期多左好多好餐廳,之前食過幾間都非常唔錯,今個星期六同friend又黎附近搵野食,係Sogo買完護膚品就順勢上樓上14樓,好方便｡14樓有好幾間靚餐廳,開始揀呢間
｢UnME｣係貪佢環境比較新正開揚｡但最後發現食物質素都一樣咁好｡ ｢蘋果木煙燻法式鵝肝 配 炙燒焦糖香 蕉｣:上菜時開蓋係有埋煙霧俾你睇下,睇得又食得｡鵝肝唔太大塊但係好食,配焦糖香蕉食落好易入口唔油膩｡
｢香煎北海道帶子､少女心紅菜頭燴｣,睇菜名就知有咩,大大粒帶子,紅菜頭燴飯係第一次食,唔錯!
｢瑪格麗特薄｣:薄底鬆脆Pizza 底,鋪滿好多芝士,超好味,必食! 因為坐低傾左幾個鐘計,所以一路食一路點,唔覺唔覺都食左好多野,哈哈｡
小食都食兩款 ｢酥炸柚子鹽金碼豆腐｣ 同｢脆香芝麻雞翼｣:豆腐會比較岩鐘意淡味少少嘅朋友,但雞翼就好入味,外脆內嫩,好好味!
最後仲飲埋兩杯靚靚又好飲嘅 ｢芒果維也納雪山｣同 ｢藍柑咖啡維也納雪山｣,過左個超滿足嘅Weekend｡
#社群三月快閃送 ...
更多
下載 U Lifestyle應用程式
香港經濟日報版權所有©2025
