萬花筒主題打卡餐廳

同友人走入土瓜灣嘅萬花筒主題打卡餐廳，拉開大門走入鏡子世界，不停打卡影相，行到入去見到七彩繽紛世界，真係吸引我嘅眼球，用餐時間為兩小時，店員Nice，環境舒適 叫咗兩份主食，一份 [ 黃金蟹肉黑橄欖醬意大利粉 $188 ]  香濃嘅黑橄欖醬，意粉掛汁，有三大塊雞脾菇片圍位意粉，蟹肉份量真係好多，放哂係意粉嘅頂部，中間位置仲放有金箔 (食用)，令外貌睇落更高貴 [ 三文魚籽鮮魷魚海膽汁墨魚意大利粉 $208 ] 滿滿海膽汁夠哂濃郁，真係好味道，鋪滿滿滿大大粒三文魚籽，墨魚汁意大利粉口感彈牙掛汁，鮮魷魚彈牙有咬口 (😂食完記得一定要飲水沖走啲墨汁，咪就會成口都黑蚊蚊) 呢杯 [ 宇治抹茶珍寶牛油果奶昔 $82 ] 牛油果同抹茶嘅味道真係好夾，牛油果味真係好香，飲落口感幼滑，好好飲 另外叫咗一排5款口味嘅鮮榨果汁 [ OMG 5C $88 ] 夠哂特別，每一杯都用咗兩款唔同嘅水果整成，每一杯嘅杯邊位置都有圍住糖粒做點綴。車厘茄及山楂 - 口感微酸，好特別、香橙及白桃 - 味道甜甜、菠蘿及荔枝 - 估唔到咁夾，酸甜口感、青提子及青蘋果 - 呢兩樣水果夾埋一齊，有不一樣口感、火龍果及紅桑子 - 口感清新，每款味道都好夾，正 甜品就叫咗份充滿神秘感嘅 [ 潘多拉的盒子 - 延續 $168 ] 每日限量供應，用糖整成嘅水晶球型外殼，附送嘅鎚仔敲一敲，打碎水晶球，再敲碎用竹炭曲奇整成嘅盒子頂部，裡面有紫紫藍藍嘅cream同口感煙韌嘅粒粒麻糬，竹炭曲奇口感香口，味道又唔會太甜，夠哂特別 漫花燈火OMG #美食 #香港美食 #yummy #土瓜灣 #foodie #相機食先 #hkfood #foodpic #手機食先 #土瓜灣美食 #打卡餐廳 #七彩繽紛 #香港探店 #foodphoto #food #000000 #萬花筒 #漫花燈火OMG #sukisukiyfoodie #omghongkong #OMG (此文章由U Blog 同步發佈至社群)