我在西班牙的最後派對 🥂---《下一站...Spain🇪🇸》· Day 12

西班牙之旅已經進入尾聲了，今晚是最後一晚跟美國那班朋友相聚。既然係最後一晚，當然要玩得盡興。食晚飯之前，因為要等齊人，所以我哋決定去一間餐廳飲杯野吹下水，我叫咗杯1906啤酒（€2.25），呢個價錢係包一啲小食同埋每人一份西班牙火腿包&薯仔蛋，所以真係好抵～～🤩 之後我哋book 咗 22:00 晚飯，book 咗一間都幾出名嘅意大利餐廳🇮🇹（我知有少少夜😂），不過今晚重點係karaoke ，而間舖頭開11點。等緊晚飯同時，我哋去咗一間我未去過嘅food court 度叫咗啲小食，又喺個度坐咗大概一個鐘。 呢間就係今晚食嘅意大利餐廳🇮🇹，我叫咗一個carbonara ，個碟就真係幾大，不過份量就...😅，同埋我個人覺得又未係真係去到好好味嘅級數。 晚餐之後就出發去karaoke ，我其實都預咗唔係好識啲歌，不過第一次亦都係最後一次就當體驗下，氣氛真係好好，雖然佢同香港唱K個模式唔同（唔係獨立房同埋要用WhatsApp 點歌，之後播到你個首先拎咪上台唱），不過€6 入場費，仲要包4 shots 或者兩杯啤酒，都叫值回票價啦。 今晚返到宿舍已經凌晨2:00（聽日9:00 有field trip 😂） ，其實已經係橫跨左去第二日，所以今日短短地，聽日行程留返係下個Blog再記錄。 Day 12 完。✍️ Instagram: _ooahlongtea YouTube: ahlong’s vlog #旅行 #西班牙 #旅遊 #歐洲 #行程 #獨遊 #vlog #blog (此文章由U Blog 同步發佈至社群)