英國東部Lincolnshire渡假村 森系spa

隱藏在農田中的spa莊園Laceby Manor, 特別適合周末gateway或者情侶一齊去放鬆。 由中部城市伯明翰揸車大約兩小時就可以去到Lincolnshire Wolds。今次介紹既渡假村集合spa, 高爾夫球場,酒店, lodge, garden pods,更加自設兩間餐廳。 我在這住左兩晚, 平時酒店就住得多,所以今次選擇左garden pod,嘗試住小木屋的感覺。渡假村內有6間garden pods,其中三間自帶hot tub。由於是平日的關係,所以房價只可以大約£140就可以住到兩晚。小木屋雖然不是太大,但設備齊全, 有齊電視,微波爐,雪櫃等設備。房間內都有洗手間, 但就不是乾濕分離的洗手間。整體而言非常乾浄,而且好親近大自然,從窗口可以望到松鼠。 每一間garden pod外面都有簡單BBQ設備,所以住客可以自備食材黎BBQ。今次因為想試下佢地既餐廳,所以就無BBQ。而每一間pod 都有相對距離,所以私隱度都足夠。 今次旅程一大重點就是期待已久的spa treatment, 整個建築氛圍都有一種retreat既感覺。一邊望住高爾夫球場同草原做spa真係會有一種幸福感,可以遠離平日工作壓力 (係 英國都會工作壓力)。水療中心提供全日spa day、仍有不同treatments。每一個treatment大約50分鐘,價錢大約£85-£100。而我最後揀左50分鐘hot stone massage 以及全身磨砂。可能去既時候是淡季所以消費£100以上就送4個鐘頭使用spa facilities,當中包括steam room,finnish sauna,Hernal sauna, 室外室內按摩池。如果你不太喜歡按摩或者facial,都可以買spa day入埸, 建議四點半後入埸有一個Twilight Spa時段,£65就可以用晒所有spa facilities。 平日四點半時段就比較少人,所以乘機包埸,下面可以見到室內室外的部分。 你可以叫咖啡或者smoothie望住出邊高爾夫球場景色。 由於英國夏天日照比較長,所以整個twilight spa session 就算做到7點半都仲未天黑。 官網上都有入夜之後照片,天黑著左燈都幾靚。 埸內都有毛巾同拖鞋,所以不用自備。洗手間都設有直髮夾, 所以吾洗擔心做完spa無地方執返個樣。 渡假村入面有兩間餐廳,我地當時去的時候有一間正裝修,所以就試左 The oak room Pizzeria。餐廳主打Wood-oven baked pizza。無論前菜同主菜都好滿意,價錢方面大約每人£25。 前菜:Chicken liver pate, fig chutney, toasted brioche (£8) Soup of the day, sourdough(£7) 渡假村一個缺點就是附近沒有太多景點,不過借一個機會好好遠離煩囂。 如果有機會去既朋友,建議可以去埋車程大約20分鐘既海邊小鎮Cleethorpes 有一間Thai Oriental,食物不過不失, pad thai有驚喜,可以滿足下亞洲胃。 下一站再同大家出發去英國其他中部城市 渡假村Laceby Manor官網 https://www.lacebymanor.co.uk #酒店 #英國 #歐洲 #溫泉 #行程 #渡假飯店 #小眾住宿 (此文章由U Blog 同步發佈至社群)