2024/11/28

元朗懷舊茶居老馮茶居

飲茶都唔一定要去茶樓既,元朗有間老馮茶居,內裏裝潢行懷舊老香港風,仲有各式懷舊點心食,好似鵪鶉蛋燒賣､雞扎､千層糕等等｡除左舊式點心之外,仲有啲創新既點心食🤩好似係金沙米黃腸咁｡平日十二點幾黎到,都要排隊先有得食,果然係有啲人氣既下😌食完之後覺得每樣嘢食都整得好有水準,而且冇加一好抵食｡要講唔好既就係佢地要你一次過落曬單,盡量都唔比你加單｡嗌左好多唔同點心,唔逐一點評la,不過有啲係真係覺得黎到必點既!(必點💯) 1⃣️老馮鮮蝦餃 2⃣️蟹子燒賣皇 3⃣️鵪鶉蛋燒賣皇呢款點心真係唔係周圍都有得食,見到有得食即刻嗌黎試下｡係細個既味道啊☺️ 4⃣️咖喱蒸魷魚咖喱醬好濃郁,依附係彈牙既魷魚上面,唔錯! 5⃣️沙嗲豬大腸 6⃣️豉汁蒸鳳爪 7⃣️蠔皇鮮竹卷 8⃣️鮮蝦腐皮卷炸得好脆,入面蝦肉好大件👍 9⃣️XO醬蘿白糕💯 好好食!XO醬辣辣地好惹味🔥蘿白糕面頭有炸過,食落表面脆脆地入面就係軟糯既質感😋 1⃣️0⃣️五柳炸雲吞炸得好脆!而且雲吞皮唔會好厚,中間蝦肉份量足｡ 1⃣️1⃣️老馮鮮蝦腸 1⃣️2⃣️蝦醬蒸腩仔飯💯 呢個一黎到已經聞到蝦醬既香味🤤腩肉片肥肥地,配埋鹹香蝦醬味,拌飯一流! 1⃣️3⃣️招牌牛腩腸粉其實係腸粉加牛腩｡不過呢度腸粉好滑😳而且配埋腩汁,食落腸粉味道同傳統配甜豉油既好唔同,腩汁滲透曬入啲腸粉入面,別有一番風味,都值得一試｡ 1⃣️4⃣️老馮金沙米皇腸💯 有啲似炸兩,不過再加埋鮮蝦係入面,呢個好好食!腸粉外面滑,入面有層炸衣,而最中心仲有蝦🦐層次感同驚喜都十足! 1⃣️5⃣️薑汁燉鮮奶💯 好正~燉奶幾滑,而且薑汁味幾香,食得出薑汁幾新鮮應該係鮮磨既,入面仲食到好少量薑蓉~食完點心食翻個甜品都幾正😙 總括黎講覺得呢度既點心冇咩邊樣係食完會失望既,值得再encore,不過如果黎食既話都預左多人,要排隊架la｡好味:7.6/10 環境:7/10 性價比:8/10 老馮茶居 Old Fung Tea House 📍地址:元朗大棠路66號地舖 📌有三間分店,另外兩間係大埔同埋荃灣 #元朗美食 #點心 #飲茶 #食好西 #吃貨人生 #元朗黃店 #懲罰黃店 #黃店地圖 #黃店推介 #黃店系列 #黃色經濟圈 #老馮茶居 #抵食 #一盅兩件 #yellowshop #hkfoodie #hkig #hkfood #hkeat #hkfoodstagram #hkfoodblog #yelloweconomy #oldfungteahouse #老馮金沙米皇腸 #招牌牛腩腸粉 #大埔黃店 #荃灣黃店 ...更多