BHC Chicken登陸銅鑼灣!

Bhc chicken (銅鑼灣) 銅鑼灣堅拿道東8號2000年廣場1樓 上次喺韓國食完覺得幾好食，咁啱見到佢喺港島開咗，於是就過嚟試吓。 兩人叫咗一個炸雞set，入面包一份炸雞、一份炒年糕同埋兩杯汽水，價錢都只係三百幾蚊，算抵食。 我哋揀咗東方風味囗味嘅炸雞，甜甜哋但又唔會太辣，屬於重口味之選。 另外，我唔肯定我食到嘅係雪藏味定係香料味，總之入口有一浸我唔太喜歡嘅味道，而呢陣味我上次喺韓國食嘅時候係食唔到嘅。 佢呢一款味冇得揀有骨嘅雞，所以感覺似食緊一件炸雞扒，我自己本身就唔太鍾意。 至於炒年糕就係正常發揮冇乜特別。 如果要比較喺香港嘅韓式炸雞，我都係鍾意 Goobne 多啲。 #韓式料理#韓國#韓國美食#韓國炸雞