2024/06/07

柞木炭家旺角「蘭桂坊」，高水準韓燒

同朋友食飯，今次唔打邊爐，「求其」喺 APP 搵一間韓燒餐廳，就咁撞正間好嘢。🌟🤩 柞木炭家位於旺角T.O.P shopping Mall。老實講第一次嚟只係借廁所，因為呢個位有啲遠，唔會成日去，估唔到大廈裝修後咁有格調。 > 商場近地鐵站口，不過唔近波鞋街，所以好少過來呢邊。商場主要是本地特色小舖。上到5樓，餐廳以黑色做主色，有格調。估唔到戶外有枱燒烤。平台旁邊係高樓大廈，喺石屎森林下燒烤，真係好chill。👍👍 🍖 🍗 > 裡面設計好正，幾多嘢睇，亦有唔少餐廳。 > 雖然以黑色作主色，但光線充足，氣氛一流。 > 戶外韓燒，好正。講返食物，價錢尚可，份量偏小，但水準一流。五花腩睇落好肥，但食咗落口…… 又ok 喎，唔油，爽口，少少焦仲好食，包生菜🥬食啱啱好，意想不到的口感。 > 視覺及味覺享受。梨汁無骨雞翼：好嫩滑，唔油，啱啱一口吞落肚，朋友讚不絕口八爪魚腳：點名加讚🌟🌟👏，睇賣相就知道新鮮，餐廳職員逐步搞掂，燒得好有水準，有小小生，軟熟度啱啱好，自問自己燒唔到。😅 > 職員真係識燒。 > 牛肩柳份量細，無骨雞翼一絕。海鮮辣豆腐湯。唔算好辣，足料，適合港人口味。韓式炸雞🍗，和牛肩柳：過咗幾日再同朋友食多次，今次book 戶外，夜晚有啲凍，但戶外燒烤氣氛好。職員強烈推介炸雞，食落好爽脆，偏「肯記」口感，好Juicy。亦都叫咗一碟和牛牛肩柳，份量…….🥹，不過好滑。 > 戶外地方寬落，吹吹風幾過癮。配菜食完免費再添，味道偏淡（好事），所以食出材料幾新鮮。泡菜放在「細甕缸」，自己剪，過癮😋。 > 一啲細節位都做得好足。如果胃口唔大，柞木炭家份量會剛剛好，難得餐廳環境一流，職員用心幫你燒又健談，俾你喺旺角享受中環蘭桂坊高級餐廳環境體驗。🥰😍 #尋找你的旅行背包 #旺角美食 #香港美食 #旺角美食 #柞木炭家 #香港韓國菜 #尋找你的旅行背包 #尋找你的旅行背包本地遊篇 (此文章由U Blog 同步發佈至社群)...更多

柞木炭家 旺角「蘭桂坊」，高水準韓燒

柞木炭家旺角「蘭桂坊」，高水準韓燒