旺角平靚正意粉🍝😋
今日帶我屋企人去食間平靚正cafe,係旺角金雞廣場樓上,因為見到好多人都好推介話晏晝好抵食之餘又好食｡
我去到見到仲有lunch同tea set,仲要價錢都好抵,餐仲可以有優惠價加甜品仲包野食添｡｡｡
我叫左意式鮮茄肉丸燴意粉🩷🩷🩷🩷🩷配凍蜜桃綠茶同埋加配開心果麻糬提拉米蘇｡
佢個肉丸係好似豬肉丸彈牙嗰隻,而且佢個蕃茄味都好濃酸酸甜甜啲意粉都好爽口,夠掛汁｡配埋清新嘅蜜桃綠茶,涼浸浸襯返今日熱辣辣嘅天氣好解渴 同埋最有驚喜係佢個甜品,嗰個開心果勁濃,又食到一條條脆脆再加埋啲麻糬同埋提拉米蘇,呢個價錢真係超抵又好食｡最衰真係太飽,如果唔係都想encore食多一個😂｡
另外叫咗卡邦尼煙肉雜菌意粉🩷🩷🩷🩷🩷配凍蜜桃綠茶加焦糖巴克斯｡
佢個意粉食落去勁creamy同埋而且啲菌同埋煙肉都炒得好香,加上個意粉比較爽口,配埋杯嘢飲好解滯,同埋佢個甜品係類似芝士蛋糕表面加咗一層焦糖脆脆同好滑身｡
想食啲蔬菜嘅原因我哋加咗黑松露蟹肉配黑醋沙律🩷🩷🩷🩷🩷跟咗杯凍熱情果綠茶｡酸酸meimei既黑醋醬配埋勁濃嘅蟹肉黑松露配搭埋沙律一齊食,勁清新｡同埋熱情果味綠茶飲落又係酸酸美味好開胃｡
我哋仲有叫咗蜜糖雞翼同埋墨西哥雞翼🩷🩷🩷🩷🩷蜜糖雞翼,佢面都煎到好焦香,配埋蜜糖同埋佢啲肉汁超多,煎到岩岩好｡墨西哥雞翼,佢係有少少甜甜辣辣,再炒香左啲青椒紅椒椒配搭埋一齊好正｡食到好飽😂好滿足｡
第三站 (旺角)
旺角洗衣街39號金雞廣場25樓08-09室 ...更多
立即投稿「別要再蝨眠」！
