日本天婦羅周圍都係，不過炸串都係比較少嘅🤨今次嚟到大阪，我哋去咗呢一間叫做『串家物語』嘅餐廳，就係炸串嘅自助放題！鍾意食咩炸串，通通不求人，全部自己炸啦
店入面都有幾多款炸串選擇，大致分為蔬菜、海鮮、肉類 (某啲肉類稍為細粒咗啲) 店內準備咗粉漿同埋麵包糠，只要按照順序就可以自己做出一大堆金黃色嘅炸串✔️醬料選擇亦都唔少
可以隨心調配自己喜歡嘅靈魂醬汁😋除咗炸串，仲有沙律、水果、炒麵、咖哩飯、雪糕、各式甜品 (當時係草莓主題) 等等，仲有朱古力噴泉添，感覺豐富👀
雖然味道絕對講唔上係超驚艷，不過個樂趣都係自己炸，主要都係食個氣氛😎而且過程好有參與感，所以食得好開心，間唔中食一次都正㗎🎉另外要自己留意炸嘅時間 (例如牛肉如果炸得耐就會變成好乾好硬) 而且值得注意嘅係，炸串本身有啲油膩，如果唔怕嘅朋友，可以全部食材都點曬麵包糠炸嚟食，而我就有部份無點麵包糠，而係直接炸嚟食，都一樣好味！整體嚟講係好新奇嘅體驗，食野講求儀式感嘅朋友不妨試下🤟
#日本 #甜品 #大阪 #hkig #hongkong #好食 #超市 #foodhk #大阪景點 #相機食先 #hkgirl #hkfood #hkfoodie #日本旅行 #hkfoodblogger #大阪好去處 #炸串 #hkfoodig #foodiehk #ighk #串家物語 #ufoodphoto #hkfoodporn #hkdessert #hkicecream #desserthk #大阪遊
(此文章由U Blog 同步發佈至社群)
