一嚐學生炮製的午餐
這天，就來到香港西廚學院，一嚐學生們炮製的三道菜午餐。
除了學員在廚房努力學習/工作，這裡的樓面也是聘用了SEN的學生，當然大家要有點包容，但其實，香港人唔使下下都咁mean啦～
頭盤是磨菇湯，看濃稠度是對辦的，亦放有脆麵包粒作點綴，味道濃一點就更好。
主菜二選一，可揀肉醬意粉，或者炸魚薯條。前者賣相算幾靚仔，意大利麵口感至少唔會太腍，但無乜調味，要靠撈勻面頭的肉醬及芝士。
也嚐了少許炸魚薯條。起初以為炸魚是英國那款成條上，原來係做成魚手指般。炸魚沾上塔塔醬，總不會難吃，配以粗身薯條，可以了。不過，相比起剛才的意粉，呢份炸魚薯條的份量就顯得偏小。
是日學生製作的甜品，係焦糖燉蛋，夠滑亦有清脆的焦糖面，伴以新鮮士多啤梨以及意式餅乾，尚算精緻。
呷一口熱檸檬茶，渡過了天朗氣清的下午。雖然水準不能與星級酒店/餐廳相提並論，但看見學員的努力，已足夠。
唔係人人都需要做米芝蓮大廚啦~
餐廳資料:
香港西廚學院
葵涌敬祖路6號祖堯村祖堯坊C座1樓
21560612
#西餐
(此文章由U Blog 同步發佈至社群)...
更多
下載 U Lifestyle應用程式
香港經濟日報版權所有©2025
