2024/11/09

【尖沙咀｜高人氣嘅正宗泰國菜】

今日去咗尖沙咀一間叫｢Milu Thai｣嘅泰國餐廳食晚餐,餐廳嘅環境空間闊落,除咗有好多2-4人細枱之外,仲有唔少大枱啱晒一大班人一齊聚餐｡但係平日晚市都座無虛席,建議大家預先訂位｡ 🍊火焰燒雞原隻燒雞係預先燒好,上菜時再淋上烈酒同點火,營造出火焰嘅視覺效果,好啱用嚟打卡｡火焰熄滅後,職員會拎隻燒雞去斬件先上碟｡燒雞嘅雞皮香脆可口,咬落去會發出清脆嘅聲音,雞肉燒得嫩滑多汁,保留咗原有嘅雞油同肉汁,覺得唔夠味嘅朋友可以加附送嘅南乳醬,更加惹味 🍊青咖喱軟殼蟹配蒜蓉包青咖喱味道微辣,用咗新鮮嘅青辣椒同椰奶去煮,軟殼蟹嘅尺寸好大,咬落去啖啖肉,炸粉混合青咖喱汁之後變得冇咁鬆脆,但成為左另一種口感,可以沾上滿滿嘅青咖喱汁,另外仲會有看得香脆嘅蒜蓉包,用嚟配青咖喱一流 🍊泰式鮮檸檬肉碎明爐烏頭泰式明爐烏頭下面有蠟燭保持溫度,烏頭魚嘅尺寸好大,魚肉結實唔會太容易散開,口感嫩滑,配上爐入面嘅熱湯一齊食,調味用咗鮮檸檬､青檸､辣肉碎同多種泰式香料,味道微酸又開胃,不知不覺就食哂成條魚 🍊黃咖喱炒蜆黃咖喱嘅味道偏甜,用咗薑黃同椰糖去煮,香氣濃厚,蜆肉同三色椒吸收晒黃咖喱嘅香味,每一粒蜆肉都沾滿黃咖喱嘅味道,蜆肉嘅肉質飽滿,咬落去略帶鮮味 🍊飛天通菜炒通菜用咗泰式辣椒､香料同蒜頭,味道偏濃而帶有微辣,通菜爽口又吸晒醬汁 🍊新鮮椰青原個椰青冷凍過後變得冰凍鮮甜,味道清甜,用匙羹刮下嘅椰肉非常爽口,飲完可以解去泰國菜嘅油膩感 📍尖沙咀亞士厘道24-38號天星大廈4樓位置就腳:🍊🍊🍊🍊🍊 餐廳環境:🍊🍊🍊🍊🍊 食物味道:🍊🍊🍊🍊🍊 整體CP值:🍊🍊🍊🍊🍊 #泰菜 #泰國美食 #泰國 #UCreator #打卡美食 #美食推介 #出發打卡 #Foodie #ucreatorhk #相機食先 #港玩港食 ...更多