黃金蕎麥鹽酥雞配新竹米粉
我喺午餐同下午茶嘅交界兩點幾去到，我入座時人客唔多，職員好好人，我一個人佢都俾我獨佔卡位，坐得舒舒服服。原來我仲趕得切叫午餐，good，咁就叫一份黃金蕎麥鹽酥雞配新竹米粉啦（跟飯唔駛加錢但如果想食米粉/寬粉/麵就要嘞），飲蜂蜜綠茶亦都唔駛加錢但其他飲品就要，咁就要杯凍蜂蜜綠茶啦。
上菜都好快手，個鹽酥雞炸得相當有水準，首先佢唔係碎飲飲而係一大件啖啖肉咁，外表非常金黃，不油膩，外層酥脆，裡面嘅肉夠熟又仍然柔軟，特別要讚吓個外層真係做得好好，即係即使我將件雞浸咗落我碗湯米粉嗰度，攞返上嚟食個外層都仲係脆！神奇！前菜係雲耳小黃瓜（sorry 我張相唔係好影到）配炸雞食非常好。
食食吓又開始多返食客入嚟坐低叫嘢食嘞，可能係食下午茶，我見下午茶嘅餐牌蛋餅同安格斯滷牛肉飯喎，都相當吸引，等我下次嚟試吓先。
#元朗
#yohoplus
#台式料理
#玥
#人人生日快樂 ...
更多
下載 U Lifestyle應用程式
香港經濟日報版權所有©2025
