深圳大熱火鍋店🔥1秒穿越古代⁉️仲有漢服體驗 附免排隊貼士

今次帶大家去一間與別不同嘅火鍋店,感受由繁華街道1秒穿越到古代,超大反差🔥如置身於大唐不夜城,環境好有氣氛❤️推薦大家嚟啊! 慢慢行入去會被眼前嘅裝潢震撼到,漫天燈籠🏮,打卡超靚,充滿中國特色古色古香! 我哋食咗重慶火鍋精緻唐風2人餐,有大大隻蠔🦪美國精品肥牛🐄貢菜肉丸,各種火鍋配菜例如:蔬菜､菇類､豆皮都有,仲有主食薯粉同現蒸醬肉包子,2個人食份量啱啱好｡ 我最鍾意係佢嘅鴛鴦湯底,分別係蟲草花雞湯同重慶麻辣,超過癮🌶!正宗做法 有重慶牛油火鍋底料,食到有牛油嘅脂香､花椒嘅辛辣,鍾意食辣嘅朋友仔一定好上癮🙌🏻 飲品方面試咗楊枝甘露雙皮奶,喺一杯飲得嘅甜品,解辣一流,好香芒果味🥭,雙皮奶質地好似布甸咁幾得意｡ 呢度嘅服務員態度好好!佢哋仲會着漢服,好有氣氛好應景,真係好似返咗古代咁｡如果大家有興趣都可以同佢哋一樣着漢服㗎,最平¥89有得租借,¥99仲有專人幫你化返個唐風妝容!睇吓圖17超多人著到靚一靚打卡㗎☺️ ✨總結一下,其實我本身嚟呢度諗住食環境多過食嘢👀見到呢度嘅裝潢咁特別,以為都係打卡為主📸但食物有比我想像中好高質,如果你都鍾意食辣嘅話呢度一定好啱你!而且冇用餐時間限制唔使食到趕頭趕命~ 🔥免排隊貼士🔥 點解我可以唔使排隊 就食到呢間大熱火鍋店‼️ :就係留意佢嘅營業時間!我係星期五去嘅,平日佢哋有落場時間,見到下午5點開,我提早左15-20分鐘到,等到開就直接有得入啦!但5點一開入到去,基本上成個場都坐滿🫣到食完出嚟7點,直頭見到出邊排好晒啲櫈比人坐喺度等位(圖20)唔想排隊等嘅早啲去啦~ ✨價錢:人均¥100-¥150 我覺得比起喺香港打邊爐抵好多了!建議大家去大眾點評點2人套餐,視乎唔同時期仲有限定優惠~ ✨營業時間:星期一至五 1100-1400, 1700-0100 星期六日 1100-0100 📍長安亭院重慶火鍋(深圳店) 南新路2081號(銳斯特酒店旁邊) 交通:南山地鐵站H出口,步行約500米 #深圳美食#深圳攻略#UCreator#深圳打卡#深圳新店#深圳探店#麻辣火鍋#火鍋#打邊爐#打卡熱點#打卡餐廳#打卡好去處#打卡美食#深圳打卡#深圳一日遊#深圳好去處#深圳美食推介#攻略#熱門菜式