開心chill一番@Firebird

好友升職自動話要請食飯，咁開心當然要賀一賀佢，就同佢去呢間居酒屋。被編排坐對住燒爐嘅靠牆位置，可以遠距離睇到串燒部師傅功架。四周掛滿聖誕裝飾，昏黃燈光幾好feel。黎居酒屋，梗要叫杯凍飲爽吓先，除咗唔同酒類，當然唔少得cocktail/mocktail。今晚唔”酒”啦，就叫杯雜錦果茶 ($58) 及荔枝梳打 ($48)，前者滿滿果肉粒，微甜茶味幾出; 而後者就充滿荔枝香甜味。首先出場係温泉蛋慢煮日本鷄肉凱撒沙律 ($98)，擺盤有D心思。温泉蛋上，鷄肉中，再有沙律菜及多士粒。篤穿蛋黃，再撈均所有材料。温泉蛋黃汁加上少少碎芝士，用黎點嫩滑鷄肉好味呀。歡喜食玉子燒，自己唔識整嘅話，出街食就係大好機會。呢客明太子伴玉子燒 ($48)，一客四件，以為明太子會包係蛋內，呢度係與白蘿蔔蓉放係蛋上。兩樣都加D，估唔到白蘿蔔蓉與蛋都好夾，中和咗明太子嘅咸味。有串燒，最想食免治雞肉棒，呢度仲係自家製 (配鮮蛋黃) $38 沾上蛋黃增加一點香滑感，偶爾食到D鷄軟骨碎有脆感，就係要呢種口感。跟住有長蔥雞腿串 ($32)及鷄腎串 ($28)，即叫即燒，睇住師傅燒不停。長蔥同鷄腿肉本來就係一對，長蔥甜味配仍然嫩滑嘅鷄腿肉，輕鬆易食無難度。雞腎就得夠乾身，有口感，唔夠味嘅可以加七味粉調味。呢客重量級火焰原隻鷄腿 ($138)，係呢度嘅名物，出鏡率甚高。侍應淋上Voka再點火，震撼眾人嘅視覺。熄火後，侍應再來幫手分肉。鷄腿肉夠嫩滑，被火燒過後多一點香味，好味。而個燒椰菜入口仲甜美多水份，又係好食。想再飽肚D，當然要叫D澱粉質，幾款湯烏冬中，叫咗呢客日本產蠔滑蛋稻庭烏冬 ($128)。內含4隻蠔，都唔算細隻，入口超濃蠔味; 而湯中加咗隻蛋及紫菜碎，令湯底變得厚身，配上滑嘟嘟嘅稻庭烏冬，食完相當暖肚。仲有燒飯團棒 ($38)，燒得外脆內帶煙韌感，味道帶點微辣，一支揸住食都幾過癮。無限用餐時間，可以輕輕鬆鬆一邊飲一邊食，氣氛唔錯。 #出發打卡 #ULifestyle應用程式 #ULifestyleApp 社群 #ULifestyle社群密密送 #送禮 #Giveaway #ULifestyle #UCreatorHK #MOMENTSwithUCreator #社群狂歡大激賞 #主題樂園門票 #香港迪士尼樂園 #HKDisneyland #ADisneyChristmas #遊樂推介 #親子活動 #聖誕2024 #香港好去處 #奇妙聖誕 #聖誕好去處 #賞楓暢飲 #送禮 #香港迪士尼樂園 #Giveaway #親子活動 #香港好去處 #聖誕好去處 #ADisneyChristmas #HKDisneyland #ULifestyle應用程式 #ULifestyleApp #ULifestyle #ULifestyle社群密密送 #MOMENTSwithUCreator #UCreatorHK #主題樂園門票 #社群狂歡大激賞 #遊樂推介 #出發打卡 #聖誕2024 #奇妙聖誕 #賞楓暢飲 (此文章由U Blog 同步發佈至社群)...更多