慶幸在旅途上遇到他們🫱🏻‍🫲🏼 ---《下一站...Spain🇪🇸》· Day 5 

又係如常上課日。今日教到一part 關於linguistic ，老師開始逐個問我哋識幾多種語言，問到我嘅時候我就答廣東話、普通話、英文，然後見因為班上面有一個係日本嚟嘅，順便搭埋識少少日文，然後即場對住個日本人示範左幾句（正常人聽到外國人講自己語言都會幾驚訝，佢都唔例外😂）然後我啲朋友見個日本人係度點頭，即刻perfecto ！perfecto！🤌🏻。然後個老師定係美國個朋友又話識少少普通話，之後用普通話講「你好」「再見」，講得歪歪地音，原來真係幾好笑🤣，今日上堂都幾好玩。 落堂之後，又係午飯時間。 第一次喺🇪🇸西班牙搭火車🚄。其實今日上堂嘅時候，美國班朋友已經問我有冇興趣一齊去沙灘，咁我當然話好啦😗。本身今次旅程都冇預計會去沙灘，世事就係咁估唔到。 火車車程只需要20分鐘就會到達沙灘嗰個城市，車票仲可以喺trainline 買到（不過需要做多一個步驟就係入Passport Number），來回車票總共£8.09，講真其實都幾抵。火車比我嘅感覺新淨過英國好多，另外火車上面可以叉電，但係唔似英國火車係USB頭，需要自備插頭叉電🔋。 Vilagarcía de Arousa 車站出口。 去沙灘之前，我哋先去咗超級市場買飲品同乾糧，同埋本身冇預計會去沙灘，所以買咗一支防曬。 到達沙灘!!! 沙灘距離車站大概15分鐘路程，有朋友一齊行其實唔算好耐。 入到沙灘 settle 好所有嘢之後，第一件事唔係玩、唔係食嘢、唔係播音樂，而家係其中一個朋友已經咭親隻腳。😪（其實成個沙灘基本上都係貝殼，所以好咭腳） 好好彩地佢抖咗一陣就冇事了。我哋喺沙灘逗留左大概四個鐘頭左右，一齊玩、一齊傾偈，都了解多咗大家好多。同埋同佢哋傾偈，唔知點解講英文好似冇障礙咁，雖然有時都會口窒～🫣（ 可能因為佢哋都好nice，個人放膽咗） 臨走前當然不忘要單獨打返張卡。📸 10:13 pm 正式搭火車回程。 返到去 santiago de compostela 已經入晒黑，不過因為未食晚飯，同埋唔想咁夜自己一個人行返宿舍，所以晚餐同埋佢哋一齊去食Burger King🍔。 行返宿舍嘅時候，仲見到夜晚嘅 Santiago de Compostela Cathedral。 總結，Day 5 過得超開心，已經開始喺度諗，課程完成嗰一日要講再見，真係會唔捨得。呢一班美國朋友🇺🇸 其實同自己都幾夾，又係鍾意周圍去挽，但係又唔會花太多錢去無謂嘅事情上面（例如交通，步行路程範圍內都會行路；食飯又唔會話真係食啲好貴嘅餐廳），同埋大家都好鍾意分享自己嘅故事，明明只係識咗五日，都唔介意分享自己嘅經歷俾我聽。 真心感謝「緣份」令我識到佢哋。 Day 5 完。✍️ Instagram: _ooahlongtea YouTube: ahlong’s vlog #沙灘 #旅行 #西班牙 #旅遊 #英國 #歐洲 #行程 #獨遊 #vlog #blog (此文章由U Blog 同步發佈至社群)