2024/08/20

踩單車🚴‍♀️🚴‍♀️《馬鞍山大水坑至上水》➕️ 石湖墟

3月4日 (星期六) 17~23度晴/有煙霞🌞 今日安排久違了的活動👉踩單車🚴‍♀️🚴‍♀️以前踩單車主要在大美督船灣主壩踩踩了，屬於小兒科路線，印象中亦有踩過沙田至大美督，不過N年前的事了🤪☺️今次想正统點踩長程一點的單車徑，計劃由大水坑至元朗，預計6小時完成，最後因時間關係踩到上水完(因為朋友要趕下場節目😅)其實踩單車是件很舒服自由自在的事，可惜在香港很難有這種感覺，狹窄單車徑上擠滿來來往往的單車，尤其是假期，停車也要思前想後😅又驚怕影響其他單車駛過，加上本身踩單車技術一般般了，實在踩得有點擔驚受怕☺️雖然現在的單車徑比以前完善很多了，沿途有公廁，補給點，單車停靠點，但有些路段窄到勉強只夠一架車駛過，最難理解是每隔一段路就會有一枝枝杆棟起，本身路徑已經窄，再棟起一枝枝杆更加難駛過，對於技術水平麻麻的人士，一枝枝的杆心裡更是害怕，更加容易發生意外。 ❇️早上9：40到達大水坑單車公園租車，10：00出發，這段路況很好踩，不過很多人，想停車影相也不易；最好踩最靚風景是吐路港公路，又可望到對岸的大埔海濱公園及慈山寺，過了太和開始人沒那麼多了(可能去大美督了😛)見到太和的"廣福橋"後已經完成10.5公里了，余下10公里往上水進發，以為只行山先會絲帶引路，原來踩單車也有標示牌指引(當然是有心人掛上的)，沿路有"往上水"指示牌，超正.....只要沿著指示牌踩就可以了，非常清晰1️⃣大水坑至太和10.5公里2️⃣太和至上水10公里單車路線：馬鞍山大水坑 ➡️ 白石角海濱長廊(科學園) ➡️ 吐路港公路 ➡️ 大埔(不入大美督) ➡️ 太和 ➡️ 粉嶺 ➡️ 上水完 (20.5公里/3小時40分) 🚘大水坑站A出口，單車公園指示牌路口上地面 👇上地面後沿恒泰路走 👇第一個路口過馬路 👇其實呢度有三間租單車舖頭👉活力多/鴻運/成旺，但入到去好似淨係鴻運有人招呼我哋，其他兩間唔見有人，但鴻運又同我哋講"我哋係同一間㗎"😅 👇鴻運啲人好有禮貌，解釋得很清楚嘅，又幫我哋影大合照🥰最後租咗呢隻款，$130/日x3架，另外$150/日x2㗎，話咩個波制唔同喎，所以貴20蚊😅唔識，佢講我聽咗算🤣費用已包埋其它還車點運輸費 👇還車點必須要租車前定下，之後可以改的，但要提早打電話通知車行，所有費用租車前付清，還車不需要再付費用的，租車不需要按金，但會記下一位租車人身份証資料。 👇個籃用鞋繩綁上去的😅 👇整裝待發🚴‍♀️🚴‍♀️🚴‍♀️🚴‍♀️🚴‍♂️影張大合照就出發啦！💪💪💪 👇呢條單車徑算係寬闊㗎啦🤪盡量靠左邊踩，唔好影響其他人🥰 👇踩過孖橋，經過沙田污水處理廠往大埔。平時行山幫隊友影相得心應手，踩單車就無咁方便了，好似我係後面咁，見到有靚景，想停低，佢地都已經踩好遠了，叫又聽唔到🤣🙄又要顧住路面安全😮‍💨 👇沙田污水處理廠 👇今日真係影好少相，唔係咁方便😅 👇大學馬料水 👇白石角海濱長廊(科學園)。甩咗一次鏈🙄搞到對手黑蚊蚊😔 👇最靚係呢段吐路港公路，條路都寬闊啲🥰 👇好睬帶頭嗰位老友識停車咋，如果唔係仲少相🤣🤪 👇之後有小小混亂😅我哋轉咗入廣福村，經過大埔河橋，再過林村河橋，最後高人指點先踩回正確方向。應該元洲仔公園路口轉入，即大埔海濱公園方向，過橋後隨即轉落林村河旁的單車徑，往太和方向踩(林村河在左手邊方向就對了) 👇紅圈是沿路往上水的指示牌👍👍 👇無乜人踩得舒服🥳🥰 👇感謝沿路的指示牌👍🙏 👇要搭電梯㗎🤔行旁邊都得嘅😅 👇嘩！咁直，呢段路應該好好踩👍 👇之後都無再影相了😔一路去到粉嶺決定上水還車，入到市區經常要落車過馬路，好無癮😕之後還車又唔識路，去錯咗上水單車匯合中心😔搞咗一輪，又係有高人指點先去到上水單車特賣場(劍橋廣場)，錯有錯著又俾我哋見到好靚嘅黃花風鈴木🥰🥰 💓💓💓🙇‍♀️謝謝支持及點讚🙇‍♀️💓💓💓 聯絡，路線查詢，交流分享👇 https://wa.me/85292210342 #大埔 #上水 #粉嶺 #好去處 #香港周圍遊 #踩單車 #打卡 #黃花風鈴木 #太和 #科學園 #白石角海濱長廊 #香港生活日常 #大水坑至上水 #大學馬料水 #林村河 #鴻運單車 #吐路港公路 #石湖墟遊樂場 (此文章由U Blog 同步發佈至社群)...更多