他約炸豬國王去迪士尼
「畢生也願記起，香港迪士尼，煙火璀璨夜定會很美」
炸豬國王一直希望擁有自己的城堡，知道Let it go去咗香港迪士尼，仲起咗冰雪城堡，炸豬國王都要出巡去睇下呢個魔雪奇緣世界，這亦是炸豬國王第一次去迪士尼樂園。
迪士尼十點開門，炸豬國王一早就著好國王袍，坐巴士出發去到東涌站，再轉去迪士尼站。
雖然十點先開門，炸豬國王九點半已到達樂園，見到已經超多人排隊入閘。9:50分當閘門一開，大批遊客衝入去，好似工展會搶一蚊鮑魚咁款，好彩前面無鏡頭影住，全部人都想搶先跑到魔雪奇緣世界。
魔雪奇緣世界除了有大量電影小鎮場景，冰雪山川和古堡，還有一間糖果甜品屋，有很多和魔雪奇緣有關造型的甜品。設施方面就有三款，進場首先最值得玩係魔雪奇幻之旅，坐在一部河流上的車仔，從小鎮漂流之森林，當然會見到很多魔雪奇緣的角色唱歌和說話，最刺激的高潮位當然係Elsa唱的Let it go，小朋友直頭上晒腦，炸豬國當然識呢首歌，但只係識唱Let it go, Let it go兩句。
第二個是機動遊戲，名叫雪嶺滑雪橇，炸豬國王排了差不多一小時，原來是緊張刺激的過山車。
最後一部份是森林小天地，會有Anna和Elsa真人不定時出場，想見真人好似要預約。
#迪士尼 #香港迪士尼樂園 #魔雪奇緣 #打卡 #魔雪奇緣世界
(此文章由U Blog 同步發佈至社群)
