打卡復古圖書館風海景餐廳 每晚有Live Band獻唱表演🎤

[ Bochord ] 之前去過銅鑼灣呢間復古歐陸圖書館風餐廳食tea,環境靚仲望到維港海景,打卡一流｡今次去食晚飯原來有駐場樂隊Live band獻唱🎤,好有氣氛😍｡ ✿ Tasting menu 八道菜嚐味晚餐 $1388/位 晚餐可以選擇單點菜式或套餐,套餐就安排哂前菜､主食､甜品等8道菜式｡ 第1道菜 Cecina de Wagyu Beef Carpaccio 🇪🇸🐮 前菜係醃製咗12個月嘅薄切西班牙生和牛肉,配唐辛子辣椒和法式泡沫,味道鹹香｡ 第2道菜 Spanish Red Prawn Carabinero 🇪🇸🍤 中間係西班牙紅蝦刺身,上下兩層係墨汁果凍配百香果醬,甜酸清新｡ 第3道菜 Hokkaido King Scallop 🇯🇵 北海道帆立貝刺身他他配蘆筍及昆布啫喱,底部係辛辣嘅墨西哥辣椒沙冰,口感清新層次豐富｡ 第4道菜 Bouillabaisse 🦞🥣 店員會即場將熱辣辣嘅法式龍蝦湯倒入海鮮碟內｡海鮮好足料,有慢煮鮑魚､蜆肉及燒蝦,鮮味濃郁｡ 第5道菜 Spanish Sardine Confit 🇪🇸🐟 慢煮西班牙沙甸魚淋上荷蘭醬增添奶油香氣,洋薊和白蘆筍作配菜｡ 第6道菜 Smoked French Eel Pasta 🍝 法式煙燻鰻魚意大利麵,醬汁用巴馬火腿高湯製作,入口順滑｡麵條手工製作,非常掛汁｡ 第7道菜 Charcoal Grilled A5 Miyazakigyu Rib Cap 🇯🇵🐮 日本A5級宮崎和牛肉眼頂蓋散發炭烤香氣,配焦糖洋蔥黑醋汁和青辣椒醬,肉質滑嫩多汁,油脂分布平均｡ 第8道菜 Mango Mousse Pandan Cake 🥭🍰 芒果慕斯斑蘭蛋糕口感軟滑,甜度恰好｡ 總結🫦 Tasting menu要提前預約,菜式擺盤精緻,而菜單會定期更新｡當晚有好多枱食客慶祝生日,不停聽到live band唱生日歌🎤好有氣氛😍｡ ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Bochord 地址:銅鑼灣告士打道280號世貿中心11樓1101號舖 電話:3613 0092 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ #bochord#維港靚景#世貿中心#chill爆#銅鑼灣#銅鑼灣餐廳#銅鑼灣好去處#渡假#香港餐廳推介#bochordhk#hkfood#法國菜#finedining #銅鑼灣必食#銅鑼灣美食#銅鑼灣食乜好#慶生餐廳#節日慶祝#打卡美食#隱世打卡點#打卡餐廳#慶祝生日#慶祝好地方