朱古力蛋糕大戰，GODIVA VS COVA

🍫GODIVA Signature 70% 黑巧克力榛子夾心蛋糕 GODIVA Signature 70% Dark Chocolate Hazelnut Praline Cake 鋪滿香濃黑朱古力醬的一個蛋糕，一睇外表已經好吸引。內在就用咗70%黑朱古力慕絲加榛子慕絲，再層層相間綿密的朱古力杏仁海綿蛋糕；底層及四邊佈滿榛子及杏仁巧克力脆，增添多重口感。感覺就係，好朱古力，成嘴都係朱古力😆。 GODIVA朱古力就有一定水準啦，香濃軟滑，但成個蛋糕感覺就係.......太多朱古力，有啲感受唔到個蛋糕。本來怕黑朱古力會太苦，點知結果係太甜，甜到會好容易膩🫣。 🍒COVA 黑森林蛋糕 COVA Black Forest 父親節特別版，亦係季節限定推出, 原來係......用咗新鮮時令嘅黑車厘子！( 黑車厘子供應期極短，又甜又多汁)。三層朱古力蛋糕加上軟滑鮮忌廉，內藏Cova大師以 Kirsch（車厘子白蘭地）浸煮的黑車厘子蓉，一入口就係經典嘅黑森林嘅微微酒香。頂層及外層都有唔少朱古力片，做到食到蛋糕的同時又食到朱古力。 要挑剔下就係......蛋糕有啲"鞋"口，唔夠鬆軟細緻🫣，而且整體都係偏甜。 結論 : 我已到咗食甜品要食唔甜的年紀🥲 你又鐘意食邊款呢~~