【香港搵食🍴】Delish Kitchen by ALOT

第一次喺Airside搵食 見到呢間餐廳幾有特色 餐廳中間有一大個月亮吊喺度 打卡able 佢亦採用咗落地大玻璃設計 啟德景色一覽無遺 而且空間感十足 最特別係佢啲枱櫈係可以買番屋企 🔹️明太子手羽 外皮夠脆 帶些微辣味 明太子好夠份量 令到雞翼漲卜卜 🔹️天婦羅紫菜魷魚 新鮮熱辣 份量算多 紫菜可以要加多啲就perfect喇 😙 🔹️芝士澳洲和牛漢堡伴焦糖洋蔥 田園沙律 甜蕃薯薯條 超厚切漢堡 個包一食落脆卜卜 漢堡肉汁咇晒出嚟 洋蔥味好香 甜蕃薯薯條好夠味 佢另外附上黑松露醬 但我覺得原汁原味已經很好 🔹️杜洛克黑毛豬鞍伴焦糖菠蘿 炒野菜 香草烤薯 又係勁厚 好易就切得開 肉質唔嚡口 焦糖菠蘿畫龍點晴 甜甜嘅味道滲埋落豬鞍度 野菜都有好多款式 3色椒 芥蘭 粟米仔 烤薯沾埋個汁食 yummy 🔹️玫瑰朱古力蛋糕 🍄蘑菇形 好打卡able 📸 分開2層 上層係士多啤梨釀咗喺入邊 而下面白色嗰層就有麻糬 食到唔同口感 旁邊仲有石頭朱古力同埋杏仁金寶脆脆做裝飾 📍九龍城啟德協調道2號AIRSIDE 3樓L316號舖 📞25281908 🕐1100-2200 💲人均300 #airside#delishkitchen#啟德#打卡餐廳#打卡able#九龍城美食#九龍城#相機食先#hkfoodie#hkfoodporn#foodiehk#西餐廳 #UCreator #打卡美食 #Foodie