[深圳] 深圳版必食616牛肉火鍋專門店🐮

呢間位於后海站既牛肉火鍋專門店同香港既616好相似都係幾十蚊人民幣就有一碟,呢間位於海岸城雖然距離羅湖有啲遠,但佢係地鐵站附近而且人流唔算多,我去果陣完全唔洗等位就食到👍🏻 今次我唔想諗所以直接係大眾點評買左佢個沙嗲牛肉二人火鍋套餐,最正係佢可以揀鴛鴦鍋而且唔洗加錢,成個套餐係269人民幣真係好抵,唔係特別大食既話兩個人係夠食🤗入面已經有一碟大既尊品黃肥牛(散叫一碟都要138蚊)､胸口油､牛丸､炸魚皮､響鈴卷､娃娃菜同公仔麵🍜不過今次我見佢張圖既午餐肉裝飾到好似個心形咁,所以比佢吸引到特登叫左黎食🫢 ————————————————————————————— ♦️ 沙嗲鴛鴦鍋(沙嗲/牛骨鍋) 🍲:牛骨湯底好香清清地但有少少牛臊味,但可接受~沙嗲湯底唔辣而且唔會好濃一啲都唔漏,但唔算好重沙嗲味,但用黎淥牛肉好夾👍🏻 ♦️ 尊品黃肥牛🥩(吊龍)(淥8秒):肉質食落好嫩口,淥完望落去都唔多肥膏仲好香牛肉味 ♦️胸口膀🥩:口感似有咬口既肥膏,好香牛脂味~建議用沙嗲湯淥會好味啲,用牛骨湯淥會有少少臊味 ♦️熟牛丸､熟牛筋丸🧆(每款4粒) : 用筷子拮落去啲肉汁流晒出黎,而且唔會痴牙仲爽口彈牙 ♦️午餐肉 : 賣相好吸引用兩塊午餐肉拼埋變左個心型,而且佢係由薄至厚排列好有心思~味道方面唔會好鹹,有口感唔會一咬就好易散開果款 ♦️娃娃菜🥬:份量好多,好清甜吸收晒湯底精華好正😋 另外仲有響鈴卷同炸魚皮份量好多我就唔係幾食得晒,佢既豉油我幾中意,唔鹹之餘加埋辣椒同香菜更加香,但啲辣椒都幾辣下,唔食得辣既朋友要就住落.... ————————————————————————————— 大家記住係大眾點評收藏同打卡就可以免費送一罐可口可樂🤗 評分🖍️(滿分為5個🌕) 抵食指數:🌕🌕🌕🌕🌑 服務質素:🌕🌕🌕🌕🌑 環境:🌕🌕🌕🌕🌑 味道:🌕🌕🌕🌕🌑 📍潮汕大目牛肉火鍋(海岸城店) 南山區文心五路33號海岸城東座2樓245號(地鐵2號線后海站D1出口步行280米) #UCreatorHK#美食推介#美食推薦#美食分享#hkfoodie#hkfoodblogger#hongkongfoodie#hongkongfood#深圳美食#深圳攻略#UCreator#深圳探店#深圳打卡#潮汕大目牛肉火锅#火鍋#深圳美食推介#深圳火鍋