☕🍵焙茶抹茶控注意

食完精緻主菜🍖後，通常會想食甜品🍰及飲杯香濃幼滑嘅咖啡☕，當然…加埋靚靚打卡賣相📸，就更加Perfect喇🥳，而呢間Hachiko，正有此元素 🦐🥗龍蝦沙律杯配脆米餅＄68 龍蝦沙律酸鹹鮮香好醒胃，粒粒爽口龍蝦份量充足，仲有新鮮鹹香嘅三文魚籽；並配有非常香脆可口嘅脆米餅及紫菜；龍蝦沙律無論淨食定喺配搭紫菜或者脆米餅都一樣好味 🍄🍝黑松露大蝦意大利麵＄128 黑魚籽鹹香新鮮，醬汁有濃厚牛油味，令到香濃嘅黑松露味更加突出，大蝦爽彈，仲有本菇同埋洋蔥做配料，加埋質地軟硬適中嘅意粉，正 🦆🧇慢煮法式油封鴨腿窩夫＄178 窩夫配以油封鴨腿賣相一流；油封鴨腿軟嫩香腍，食落唔覺油膩，配以大啡菇、沙律菜、蕃茄仔及太陽蛋，非常足料豐富，大啡菇非常juicy，沙律菜又新鮮，另外仲有黑糖汁及沙律汁可以點窩夫及鴨腿，增添風味 🍵🧇抹茶雪糕窩夫＄118 賣相非常吸晴，上層綠茶雪糕，配以三層窩夫，中間夾住香蕉，伴碟有勁多士多啤梨，另外仲有藍莓、紅莓及桑棗，精緻杯裝抹茶醬非常香濃幼滑，仲要係唔甜唔膩，所以食完個main course再食埋呢個甜品都綽綽有餘 🍵宇治抹茶提拉米蘇拿鐵（熱）＄68 精緻打卡飲品，手指餅上舖滿大量抹茶粉，回甘度高，配以面層tiramisu cream一齊食，甜香濃厚 🍵宇治抹茶白玉拿鐵（熱）＄58 叫咗微甜，抹茶味更加香濃突出，拿鐵奶香幼滑，白玉Q彈軟滑 🍵日本焙茶白玉拿鐵（熱）＄68 都係叫咗微甜，焙茶味非常香濃，香醇順喉，同樣都係奶香幼滑，白玉Q彈軟滑 好鍾意佢哋嘅焙茶及抹茶，非常香濃可口，而且佢哋嘅有機宇治抹茶仲有JAS認證⭕；雖然地方細細地，只得十幾個位，但係坐得舒服，而且佢哋嘅服務態度超好👍 📍八屋 旺角彌敦道575號Ladder Dundas 8樓 #相機食先 #宇治抹茶 #旺角美食 #法式油封鴨腿 #雪糕窩夫 #焙茶拿鐵 #打卡美食 #八屋 #cafehachiko (此文章由U Blog 同步發佈至社群)