平時用開呢隻KISS ME眼線筆,日元兌7時,平均都要$70/80一枝,而家出去買,$50左右!長期用開要開始囤貨啦!
最鐘意呢隻眼線筆筆頭夠幼,黑色亦都非常深色,唔會化開,平時正常使用都好㩒用,唔會甩色(除非出汗多､要補妝)｡有啲人唔鐘意太深色,柔和啲嘅眼線,就推介佢嘅眼線液,會係用點墨形式使用,亦都有啡色選擇,睇落唔會咁誇張,柔和自然一點｡
平時每日用眼線筆,幾個月好快就唔出墨,要扔?唔洗咁做!只要用眉夾,就可以幫佢續命!
首先用眉夾,夾住枝筆芯(小心唔好夾到頭位､會令頭位開差),就會發現入面係雙頭設計,將無墨果面筆頭放返入筆內,入面索哂墨嘅筆頭放返出嚟,咁就大功告成,又多幾個月用!
學識咁呢個方法,原來眼線筆咁㩒用架!
#時尚美妝企劃 #LanghamBeautyFest
